人網"娛樂場遊戲"

william.c

從紫荊俠到收購高登到推出娛樂場遊戲，風聞來得快去得快。

上周五老細蕭講娛樂場遊戲用咗一年時間搞出來，套句俗語，聞言嚇得我從椅子掉下來。上帝製造世界，僅用七天時間，何物娛樂場遊戲，要用三百多天？况且是買返來的programme？更况且一推出即跪低，更况且一推出便被人踩到成地底坭，老細蕭的執行力和眼光on this issiue，一鋪見底，same as《3Ｄ肉蒲團》on shooting。

遊戲跪低(login)據說由於繁簡體，云云，應是借口。白痴都知道玩中文電腦，定必繁簡通，相信十多年前的cyber日報己遭遇過這個問題。老蕭鬧大陸動車冇測試半年，緣何遊戲login咁簡單單的事，連測試都冇，就上陣？多年前就話老細會被人滚，而家人網版上多人也持此說。不過，以事論事，IT人一般不會有心滚老細的。但在老細認叻叻盡之下，唔同你去博，以致乜都唔講，睇住你點死，也不是奇事，然而，用一年時間套用一個大陸遊戲programme，仲唔係Dum波鐘？----假如老細有講大話，人網IT應出來辯護下。

老蕭&Co. 的死症(指商業發展)係諗頭超爆，執行力欠奉。想法超爆，做法及方法欠奉。冇人節制/疏導老細的衝力及失衝。冇人嘗試去講真話，韋小寶們只會氹洪教主，冇可能會和教主齊齊度生意的。

william.c

講返前面，老蕭欲搞網上遊戲、電子書、iPhone Apps等，盈利目的是對的。但要害點不是現成客路(人網及高登兩個群組的人流)，因為網上客路會一夜之間消失的。要害點是貨路---識建立內容及識run內容的人。遊戲網隨街都係，係人都識搞。遊戲programme，滿抗滿谷，偏要揀個地底泥。係人都知，內容好，就有人來，反過來講，假如是渣嘢，則會趕客。拍部好戲就得，唔使收購旺戲院架！

人網唔知，最大的資產其實是老細自己(是品牌，非搞作)，搞作match唔到品牌，可惜。N咁多人講過，連個首頁都搞唔掂(連導航條係乜都唔知)，遑論搞作。人網盲頭烏蠅，搞錯咗四年，成日以為問題出在IT(當年gary識嘢卦，咪翻台走人)。唔係呀，係識唔識搞網呀，係搞手識唔識用IT呀！連網站定位都不明，連Biz-model都不清，點做。

很不幸，人網站主又兼搞手(仲要落手做個隻)，心態上是教主兼商人，既成事實是教堂內又開個咸格，唔三唔四。無人點醒佢，可以係教堂旁邊開個小食店啫。教主終於自己動手，開小食店，搞個人網娛樂場，點知一出又跪低。

至於「欲將人網及高登兩個群組的人流建立新項目，例如，網上遊戲、電子書、iPhone Apps等」，則等如在教堂(人網)+波地(高登)上起Mall，九不搭八。網上遊戲還可，iPhone Apps係另一樣嘢(我都唔太識，十年前就搞過網和通訊融合，蝕到當底衭---2002年世界杯一役)，電子書似乎for 平板電腦多D，網上搞嚟做乜？老簫係咪噏錯？