評老蕭欲收購高登

william.c

插咀講講老蕭收購高登。
有網友描述：
-------------------------------------------------------------------------------------------------------
無妄
超級推咪員

按企業嚟講, 收購目的不外乎兩種:
一. 對經營權有興趣;
二. 不關心經營狀況, 純粹套利;
我不知道老先生現階段更屬意邊一種, 但幾可肯定以佢霸道嘅姿態, 斷唔會係善意收購(Friendly Takeover)

應對迎面而來的公司併購(Mergers & Acquisitions, M&A), 主要有兩條路:
一. 董事會內主要股東行動一致, 保證股權集合高於51%(公司控制權);
二. 引入白武士(White Knight), 有足夠資金與之抗衡, 共同抵抗收購;

一旦上述方法失敗, 被併購成功後, 經營權一般會合而為一, 兩間公司合併後多數有主次之分, 極少機會保持地位平等, 即一係大食細, 一係兩間公司消失, 變成另一個全新牌子. 呢個時候, 有兩條路:
一. 由小股東集合引入外來資金進行全面公開收購(Takeover Bid, TOB). 但之前已錯失先機, 而且規模龐大, 回購成本肯定大幅提高;
二. 類似員工自立(Employee Buyout)嘅模式 － 例如吹水臺 － 由成員集體出資, 連同外部有興趣嘅公司, 向母公司贖買股權, 將核心技術部門/人流最多版塊分裂出去. 言下之意, 即係用人流散失(例如簽萬言書, 話一旦畀你收購我就走人)嚟做談判籌碼, 同老先生講獨立條件. 如此一來, 成本較低, 亦比較可行

william.c

我另外演繹一下。

老蕭收購高登動機及目的：
(一) 完全九噏，無諗住收購到，博sound bite，博有得講，博有人話佢有實力(二三百萬到)，博提高信徒士氣，博test人網實力，博宣傳人網。無本萬利。
(二) 一半一半，帶打跑，睇住來食，看各方面形勢。
(三) 真的想收購，目的(A)非牟利:---- 他自己講的，提高排名(增加影響力---各方面)；用高登IT支援人網IT；銷售人網網台節目。
(四) 真的想收購，目的(B)牟利:----提高排名(希望有廣告)，執執，將高登上市(注入80x8)，或「高登人網」上市(注入80x8)，或揾老襯接盤。
-----------------------------------------------------------------------------------------------------
分析：
●老蕭有D神經刀作風，貪得意，無論真定假，無必要揚出來。揭了人網瘡疤：五年用了五百萬；發展見底(扯慢必後腿)；踩人網IT部門；暴露老蕭唔識用IT人才。Forum IT有乜技術可言，要用收購呢一招，笑死人。

●人網見到的功用：(1) 蕭氏樂園(細囈)；(2) 組成蕭氏少年團的平台；(3) 組成蕭氏社會statue的平台；(4) 政治吹氣公仔。

●老蕭諗野一舊舊。人網&高登獨立營運，咁點提高排名？

背景：高登IP/天even比人網低。
(7)(Discuss)IP ≈651,524        PV ≈8,013,750
(16)(On.cc) IP ≈263,400        PV ≈2,054,520
(18)(TVB) IP ≈248,400          PV ≈1,440,720
(19) (HKgolden)IP ≈149,400  PV ≈3,241,980
(21)(Hkreporter) IP ≈160,800 PV ≈2,621,040

william.c

●牟利或非牟利，講唔清楚。
(背景：盈利)----全世界都知道香港網站唔會賺錢(指大型站及賣廣告模式的)，Forum更加唔使講。人網賴政治打壓，多餘，它基本上無Biz-modual(唔知點揾錢)。香討IP是人網的四倍，經營多年，能上市否？香港搞網一定要要往北看，大陸網排名第500名的3dmgame.com，日IP(21萬)都高過人網。

係咁嘅情况下，老蕭無講出人網會燒幾多銀紙？高登會燒幾多銀紙？---你估高登會賺錢呀？除非用重金住舊管理層，簽死約保証要令瀏覽有增長。

(背景：管理)----
但另一方面，又話用高登IT head住人網IT部門，咁點叫高登舊管理層獨立管理呀？冇sense。仲話叫高登會員或高登人士選任管理層，笑死人，以為高登行普選制可以管理到。高登亦唔係上市公司，私人公司就算有董事會，都係大股東話哂事，呢張約點簽？什麽白字黑字放手管理，咁香港保唔保護大股東權益先？(即最終保護老蕭話事權)，老蕭應該講「用基金信托形式」。

(分析：管理盲點)----
網台是吸引人流，但是是蝕本貨，除非一條心為谷政治。

高登IT head住人網IT部門，是個理想，但IT不是網站設計者，以前用錢用唔到IT人才，而家又點用到高登IT人才？坦白講，高登頁面並不是很好，高登admin似不接受Discuz!forum擴大功能是生意wise，非技術wise。客觀地講，皇帝好難同太監溝通工作，早期gary是一例，唔肯唯唯諾諾做太監，就死。

william.c

根據(三)或(四)真的想收購:---
●因為高登不是上市公司，沒有街外股，正確來說，不是收購或合併。叫收購股東股份(用轉讓股權或滲股形式)，也没有善意或敵意收購之說。一定要同大股東林xx傾，敵意？點敵意？去搶林xx D股份？係咁嘅情况下，高登(林xx) 話收唔到人網/老蕭建議書，老蕭又隔空放話，大家好似拍戲咁，有D滑稽。兩條友飲飱荼就搞掂啦！個main point係老蕭要查查高登盤數及林xx(或另人)嘅管理新約(如前述)，非高登的現值。除咗品牌，高登係冇現值的。

●收購到股權之後，才能談合併---純指網站二併一，非上市公司的財政&營運合併吧。比如，人網地址有九十幾樣用途，假如合併，盤數點計呀？高登仲有其他小股東的。

●似不存在「不關心經營狀況, 純粹套利」的說法，高登有乜資產？套什麽利？唔通高登收埋好多舊地皮？

●如上述，非上市公司，就不會有：
---『應對迎面而來的公司併購(Mergers & Acquisitions, M&A), 主要有兩條路:
一. 董事會內主要股東行動一致, 保證股權集合高於51%(公司控制權); 』----

就算係，都不用「董事會內主要股東行動一致」的。因為不是上市公司，就算是，董事會成員和股東無必然關係的。無任何職位的大股東都可以大哂。而上市公司，在無控股性股東情況下，董事會好多成員不是股東，但可操弄章程進行操控股權，比如匯豐，長實就唔得。總之，「董事會內主要股東行動一致」一句不真實。

william.c

●似不存在「引入白武士(White Knight), 有足夠資金與之抗衡, 共同抵抗收購」的說法----。
屌，林xx唔同你傾，吹呀？使乜引入白武士？唔通高登己成為銀主盤？唔通林xx借落蕭氏財務公司好多錢？
(無妄睇《華爾街》電影太多，搞錯哂)

●---『由小股東集合引入外來資金進行全面公開收購(Takeover Bid, TOB)』&『類似員工自立(Employee Buyout)嘅模式』----

無妄仲係講緊上市公司(without控股大股東)的情况，這不適用於高登。
另，多咀問句，「吹水臺」(網台定forum？) 原母公司是誰？贖買股權？係夾錢搞台/網，非Employee Buyout係馬？

●---『言下之意, 即係用人流散失(例如簽萬言書, 話一旦畀你收購我就走人)嚟做談判籌碼, 同老先生講獨立條件. 如此一來, 成本較低, 亦比較可行』---

無妄係咪講返高登？亂哂籠噃，將會員(網民)同員工(Employee)混作一談噃。無妄混亂之處是，是不知叫員工抑或叫會員同老先生講數(獨立條件)。而且令人搲爆頭，「成本較低」何所指？係指員工/會員向林xxBuyout抑或向老蕭Buyout？當然只關林xx事，咁何需同老先生講數？係咪由林xx授權員工/會員Buyout？林xx收錢？員工/會員擁管理權？咁員工/會員要唔要出錢？

william.c

聽昨晚風也蕭蕭再講收購高登。

●好得意，老蕭一直話「無動氣」，好似醉酒佬話「我無醉」。

●平時冇乜見一樹開口，昨晚石破天驚，直摑蕭氏一巴。一樹講高登仔反對人網收購高登，就係不喜歡蕭氏本人。no matter蕭氏作出什麽諾，高登仔就係不喜歡蕭氏擁有高登，OK？好比中共收回香港，諾「港人治港、高度自冶」，咁會唔會減輕港人反共情緒吖？蕭氏好勞氣話高登仔好干涉人網營運，蕭氏自已夠批評中共內政啦！話中共會係2020前會倒台啦！高登仔唔係干涉，係証據(未來擁有者的霸權氣)，咁都唔明？成班擦鞋仔扮懵(除咗一樹)。

●用(高登)18萬會員公投選出管理層，痴x線！要公投過半，蕭氏才肯收購，痴x線！蕭氏&Co公投上腦，林xx俾佢地吹九漲！做生意邊有人以用户決定來決定生意策略的？蕭氏&Co沒有絲毫現實觀念，你用乜方法集合18萬會員表態呀？政府用億幾銀大半年時間搞，都係得17%投票率。人網號稱有十幾廿萬會員，2008年募款，有幾多人捐錢呀(不到幾個巴仙)？你蕭氏/人網一話一話搞投票(不是什麼公投)，相信高登仔冇乜人會捧塲！

william.c

Tofabov
>>聽昨晚風也蕭蕭再講收購高登。
●好得意，老蕭一直話「無動氣」，好似醉酒佬話「我無醉」。
●平時冇乜見一樹開口，昨晚石破天驚，直摑蕭氏一巴。一樹講高登仔反對人網收購高登，就係不喜歡蕭氏本人。no matter蕭 ...
william.c 發表於 2011-7-21 16:21 <<

1. 老蕭重複話自己「無動氣」，等於醉貓話「我無醉」，等於傻佬話「我無傻」，等於... 確係：笑話一則。
2. 話高登仔反對人網收購高登係因為不喜歡 蕭氏，一樹講得實而不盡。高登仔不喜歡 蕭氏固然係事實，但至關事的，係高登仔不信 蕭氏，不信他會信守承諾不插手管理高登，這才是高登仔反對收購的主／底因。老蕭話香港地講法律白紙黑字佢冇得抵賴，殊不知高登仔就是連白紙黑字 也信唔過蕭氏，老蕭信譽，差過嚤囉差！

william.c

同意你所說，但我相信老蕭本人是誠意遵守信諾的，問題係，第一是人們不信任佢。第二佢自己口輕輕沙沙滚而不自知，好似慢必做CEO咁，老蕭玩咗人仲唔知。上個禮拜慢必仲講漏口，話收購高登是老細隨口噏，十劃未有一撇。琴晚老蕭就話同慢必傾咗兩個月，講大話唔眨眼，問題係老蕭本人自己不自知。更唔明白，點解乜嘢都on air？變成on9。仆街在或有趣在，這個傻佬老細能量大，搞作多，班擦鞋仔左支右絀，花生友則有福。

william.c

睇返今期壹周刊《蕭若元騎刼高登》，老蕭講收購高登的目的是增加上市的能力。眾所周知，收購/合併的價值是互補：腦子+肌肉。假定高登是肌肉，人網顯然不是腦子。人網是一人公司，腦子是老蕭。但另一方面，老蕭又聲言收購高登後不插手管理，那豈不是玩坭沙。前有述，Forum是不大賺錢，even香討，也沒有上市。高登+人網，是分開的兩個Forum，又點賺錢？又點上市？

另有一點奇怪是，壹周刊講高登按月瀏覽量=47.4萬，人網按月瀏覽量=27.8萬，那人網每天豈不是只有九千幾瀏覽量(IP) ？那Alexa的什麽排名21，什麽16萬IP/日(瀏覽量)全是假的？假如壹周刊Qoute錯，人網點解唔反駁及澄清？

william.c

據壹周刊講老蕭收購高登的如意算盤是：「我們可以幫高登開個高登電台，講潮流東西，迎合年輕人」。老蕭思維有問題，假如做咗高登老板，就唔係叫做幫。反過來講，係高登仔幫老板做content provider開台。幫高登開個高登電台，唔收購，用人網資源幫，至啱數。然而，老蕭講咗年幾的「開放人網資源與所有人做節目」(九噏過什麽網台入門網站) ，都冇人蘇，係人都知，一個人係屋企都可以開四五個網台。網台主要是發佈點，比如高登(可能是) 人網網台發佈點。

據壹周刊講老蕭收購高登的如意算盤：「欲將人網及高登兩個群組的人流建立新項目，例如，網上遊戲、電子書、iPhone Apps等」，這又是諗頭强於執行力的表現。套句俗語，隨街都係黃金，肯去執，無用，識得去執，至有用。

有高登仔斥「搞好人網先」，老蕭暴跳如雷，用「由三百幾升到第21」作駁斥。infact，兩者是無必然關係的。「管理不善」包含好多方面。作為一個forum service供應商，由Dz6.0玩到Dzx2.0，日搞夜搞二度開發。見到人網攬住個爛鬼Dz7.0売九做，好似見到小孩舞大刀，不禁擲筆三嘆。站主有什麽值得自豪的？大佬呀，使乜用一年時間套個大陸遊戲呀？用幾分鐘就可以就可以開通一個啦！