三談《3D肉x團》兼論消氏的作風

舊電影人

寺山壽司

其實前輩唔駛介懷. 戲, 我地都未睇過, 由開始到依家, 呢度評論既內容, 大多數係關於佢周邊一眾 "怪誕" 事件既分析, 而前輩過往既分析, 亦相當有水準.

通常, 如果一套電影真係 "正野", 實際上, 係唔會出甘多 "出位" 花招來造勢的, 例如 "阿凡達", 阿倫伯有冇學莊主甘, 講乜野 "畢生功力注入" 之類廢話?

所以, 由對面拍 3D 以來既一眾事例來推論, 莊主呢套 3D 既質素, 可能有問題, 呢個亦係好合理既預測黎. 當然, 預測亦可以錯的.

舊電影人

寺山壽司

另一個更根本既問題, 其實以前 "影碟情報室" 某集講 Leni Riefenstahl 時也有提出過:

"一套電影如果信息上有問題, 但卻是一套好戲! 我地應該點對待這類戲?"

廣義黎睇, 如果一個電影人, 本身既思維有嚴重問題, 但同樣拍出一套好戲來, 我地又應該抱乜野態度去看待?

碼頭風雲 (On the Waterfront), 1954 年奧斯卡最佳電影, o個位導演伊力卡山, 本來可名垂千古, 但就因為佢o係麥卡錫年代做 25 仔, 篤出荷里活影圈內參加了共產黨的幾個電影人, 佢千夫所指, 甚至往後, 更堅拒對佢呢種所為致歉, o個套 "碼頭風雲", 就係被傳佢拍黎同自己 "辯護" 既作品!

直到 1999 年, 奧斯卡頒授終身成就獎給伊力卡山, 場外有人抗議; 場內, 有如 Nick Nolte 等電影人, 不起立亦不鼓掌, 作出無聲抗議, 過了差不多 50 年, 仍有人記住呢筆賬!

http://www.iatolife.com/CEDB/magsearch.jsp?artid=11222

今日的莊主, 又如何? 這是大家值得深思既問題.


P.S.: 有關 Leni Riefenstahl 的那集 "影碟情報室" , 拎拎在此:

http://www.ourradio.hk/download/ ... m/film20090901a.mp3

http://www.ourradio.hk/download/ ... m/film20090901b.mp3

http://www.ourradio.hk/download/ ... m/film20090901c.mp3

舊電影人

oohlala

#12

好有趣的問題。
波蘭斯基搞細佬定強姦 (唔記得) 又如何?
有位唔記得係前獨聯體導演近年被揭發共產時代寫同業小報告呈上共匪﹐情節有如<竊聽者>又如何?
中國第五代導演應該都做唔少
你講個位我諗至衰係堅拒唔道歉嗟~

舊電影人

多口問句，寺山壽司以前都做過影視行？

舊電影人

《3D肉ｘ團》怎樣說，都是一個值得談論的香港事物，是電影嘢傑作，抑或是集資嘢傑作，待考。

不知大家有沒有留意到，《3D肉ｘ團》本身宣傳強勁，但香港電影界同傳媒似乎唔多蘇呢部片。含欖之將「全球第一部3D色情片」等同諾貝爾獎高度，消氏吹噓無數次，《3D肉ｘ團》開拍消息上了全世界報紙頭條/頭版，唯獨香港報紙無登(頭條/頭版)，你話怪唔怪？

套句俗語，無知識都有D常識，貨真價實與沙沙滾，相信傳媒都分得開，第一，阿貓阿狗都識拍三級片，而且係過氣題材，晒氣。第二，3D，唔通香港突然出現一個占士金馬倫咩！連娛樂版都好冷靜，報導不多。翻開維基《3D肉ｘ團》條---應該係自己友編輯----都只錄入四五條新聞。有一件事仲得意，係人網睇到一欄，Link出一條片，話介紹香港3D影片製作嘅，裡面居然提都冇提《3D肉ｘ團》，發帖者係人網友，鬼殺咁嘈！

舊電影人

同一個舊行家(電影) 講起老消，點解俾電影界當冇到，劈頭俾舊行家媽，話得你舊電影人咁懵，仲正經八百評《3D肉ｘ團》商業計算(指八月)，佢兩句話講哂："挑，而家仲邊有人拍三級片架？老消識乜九科技3D呀！"，又話，分明係滚拍戲(他說的) 。

原來，滚拍戲是香港片場至為流行的術語，滚拍戲原理可以用一人夾一蚊買馬票作說明，五六十年代，馬票兩蚊一張，你叫N咁多人夾一蚊買一張馬票，同每一個人講係兩份。馬票永遠唔會中，於是有人袋袋平安。具體可用米高布祿士的「The Producer」作說明。

我初入行聽過不少老叔父講粵語片滚拍戲的事，後來忘記了，八九年代亦唔係咁滾法。初評《3D肉ｘ團》時亦無咁聯想----自己投資唔會係滚拍戲吧？當然我強烈感覺老消係向投資者sell戲而不是向觀众sell戲---八個月後才上映，使乜鬼咁快做宣傳？所以當時停筆，咪阻人拉資金。

舊電影人

現今《3D肉ｘ團》ok哂，賣出七成埠，好評喎，就上畫，有人話票房會過億。舊行家錯哂啦！無人滚拍戲噃，因為滚拍戲原理係馬票唔好中獎，而家《3D肉ｘ團》幕後催谷上畫盡傳，排山倒海，希望影片賣座之心，無可懷疑！舊行家反駁，咁807x由４毫跌到1毫二，又點睇呀？我唔識答。

舊行家續踩消氏，話，消氏又唔係第一日做人，唔係第一日係電影界。大家唔通唔知佢係乜料咩，認叻認屎認屁係行中常態，唔防碍到人就得。你cap到銀拍片，恭喜你。套片又叫好又叫座，更恭喜你。但唔使旨意有人附和你的認叻及認屎認屁，除非有著數。但行家亦不會阻人發達，又唔係會搶角之類，此所以電影界對《3D肉ｘ團》泠淡的原因，連鬧都冇人鬧。王晶講咗一句：「外行！」，頗為精警，亦解釋哂所有嘢，文雋亦話唔使講，即哂氣的意思。ignore是最大的侮辱！嘿！

舊電影人

麵包頭

17# 舊電影人

包仔二號：

<<<ignore是最大的侮辱。>>> 無錯！我很贊同。

舊電影人

(先旨聲明，唔係所有行家都唔中意消氏，這位舊行家特別Ｄ)

舊行家講，消氏以前不嬲都係度橋佬，唔係拍嘢佬(狹義是導演)，電影界就係咁現實，拍嘢佬/導演大哂，度橋佬/編劇永遠係附庸。消氏高級D，叫策劃。但都係唔識(指唔熟) 拍嘢，唔識導演。其作品離開阿麥，離開大公司大卡士就唔掂。

舊行家講，消氏(1981)離開RTV去卲氏，自己揸fit拍個幾部片(江龍、霍耀良導演)仆哂街，自己有冇提過吖？後來先返阿麥堆，當時《省港旗兵》己上映，阿麥掟D二三四集俾去掛名監制(度橋為主) ，點知消氏唱到而家，話《省港旗兵》係佢監制嘅！話係嘅作品！

蕭氏又時常話唔看重得獎，但公開講強調自己係金像獎編劇(網上有片) ，但《跛豪》共同編劇係阿麥咘。甚至《玉蒲團之偷情寶鑑》命名的編劇係李英傑，唔係老消，老消就算以監製名義作主打度橋(老消係唔識寫劇本的)，都唔好當成部戲係佢嘅至得架。

舊電影人

舊行家講，蕭氏現今認叻及認屎認屁，達到病態地步。佢話，前幾晚風也蕭蕭中，蕭氏short到好似話自己係RTV第一人，日日見報，頂住TVB，云云。舊行家聽到眼火爆，話，人老咗點解會咁？會咁無恥？事實係，當時，阿麥最紅，真係日日見報，號外用十多頁紙專題報導過佢，但阿麥亦代表唔到RTV。

阿麥不過係第一台總監(production製作部)，仲有新聞部，綜合組，係阿麥管不到的。同級仲有第二台(英交台)，仲有節目部(programme) 。仲有製作服務部，等等。最惡係工程部，因為係某副總經理的領地。總監上面仲有兩級。總經理上面仲有董事局(英國人) 。

蕭氏只不過是製作總監下的策劃經理，地位不高，今天點解會向班後生仔認屎認屁，仲講大仲講大話添。請問蕭氏憑乜嘢代表RTV頂住TVB？當時RTV第一人是盡黃錫照，OK?相信當時莫蔚文嘅老母都威過蕭氏(指代表RTV)----莫太當時好似係公司秘書。大哥，蕭氏只不過是阿麥的軍師，阿麥係度，你同記者講乜嘢呀！