續談「老Siu由政轉返商，進攻3D三級片」(2)

舊電影人

25boy話我：「得出來既思考都是從小型電影公司角度出發 連客觀都係扮出來的.」

唔同佢爭。25boy連「電影公司」和「製作」的概念都分不開。我是少有寫出電影製作生態(電影工業) 的電影人(列孚寫個部錯很多)，因入行時己開始寫香港片(香港時報)。25boy能不說出能我扮客觀的例證？

舊電影人

53# Sodi
Sodi是舊網友了，你能否先解釋，什麽叫"否証法則"?

舊電影人

51# uc18503

影片發行(正名是代理發行)，指：

●港產片在本地上映的發行，多數由院線公司做埋發行。所謂做邊條院線(上映)，即包括埋發行，片主要從拆帳中再拆若干%發行費俾院線公司。

●外國片在本地上映的發行，即你買入版權揾戲院上映，孭飛好重，做哂重新配音及宣傳工作(Siu上過幾部韓國片)。另一種外國片發行公司係同外國電影公司合作，比如泛亞，什麼獨家代理，賺到開巷。有一種是外國大電影公司(如八大)駐香港的發行單位。

●港產片在外地上映的發行。呢一種好複雜，以獨立製片為例，監製做埋揾外國發行商的工作。實情是，是先賣出片花才能開戲。大公司就唔使，因為固定同外國院線有協議(指有華語片市場的外埠)。

注：以上是傳統做法，現在改變了多少，不知。

舊電影人

>>腦燒講過電影發行行頭窄，窄在何處呢？<<

你不是行中人，講亦無意義。我亦不知窄的定義。

>>仲有腦燒依家做埋發行，其實對套戲有無幫助，除左收入。<<

自己無戲院，點做發行呢？(係指siu買入外國片發行本地上映嗎？)

獨立製片港產片賣去外國，多數賣斷，假如拆帳，分分鐘上身，因為拆帳會同外國院商拗數。

但賣斷，技巧好高，傳統係賣花，要講卡士，此如《3D肉蒲團》aim at日本，就睇呢幾條日本妹日本仔在日本的名氣。3D本身賣不到花的，唔好當人傻的，以為號稱製造一桇火箭，到時就會交出一桇火箭。D片段可以cheap到俾網聚友睇(Siu宣稱)，乜貨色，可想而知。----抓哂頭，係網聚上，點放3D呢？----同時話，明年六月才會出貨，到時唔知乜世界？食勢，都要食呢一輪的宣傳勢。

另一種係係香港上畫博big hit後，賣個好價錢。好似《英雄本色》，香港轟動，就賣到日本70萬美金，需知道，日本一向無埠的(“英雄本色”成本為港幣550萬)，電影就是賭博生意。

舊電影人

25boy

25boy話我：「得出來既思考都是從小型電影公司角度出發 連客觀都係扮出來的.」

唔同佢爭。25boy連「電影公司」和「製作」的概念都分不開。我是少有寫出電影製作生態(電影工業) 的電影人(列孚寫個部錯很多)，因入行 ...
舊電影人 發表於 2010-10-20 02:38


電影公司唔做製作??? 以前電影撈到油水時, 大量呢類全包公司出現, 你話發行同製作係兩個部門就可以, 電影公司就係全部包曬
正如任何一間公司, 有會計部, 有巿場部一樣

唔好成日話以前做什麼, 除非出正名, 否則是沒有意思的

唔係扮客觀, 而係連客觀都係扮出來, 係咪咁既概念都分不開呢? 嘻嘻

你講果d野, 過曬期, 無論係舉例以及巿場看法, 用八十年代眼光看現在電影, 唔怪得知你係"舊"電影人啦.

舊電影人

Tofabov  

61# 25boy
25boy關於電影嘅論點，我外行人無謂越俎代庖搭嘴。但佢話「唔好成日話以前做什麼, 除非出正名, 否則是沒有意思的」，這類質疑在隔離壇常見，我認為十分之無謂。原因，簡單講：以事論事，別因人廢言（也別因人挺言，）就是了。

其實，舊影人的「真名」，跟開論壇（不只一個）他帖文的版民好多都知（我都知。）上句真名二字我用引號，不表示我懷疑我所知的不是他的真名（相反，我信其為他的真名，）只是怕有版民又來開叉話「挑，你肯定那是他的真名」，講埋哂呢類無啦更的題外話，就以為對正題提出咗合理嘅質疑。

舊電影人

回應25boy#61

OK，你唔使勞氣，你大概不是行內人。

本人在行中最後做到獨立製片監製，1994年轉行，開始在報章專欄寫港產片生態，1998年得藝發局資助出過論港產片專書。至2000年北上揾食。2005年後多留在香港，2008年重回電影界，業餘幫人搞拍戲(一年)，所以知道一Ｄ現今行情。行情同行規不一樣，而行規(生態)我一直是知道的。

請問25boy是否行中人 ？不是斗身份，行外人亦可說出道理。25boy可否告訴我，我錯在那裡？我扮客觀是那一點？

我不是用八十年代眼光看現在電影，而是用八九十年代行規對比，那一點錯了？偏偏，"中港融合片"是現今的眼光，這是我在1998年就提出的，有書為証。25boy點可以剛說反了呢？我假如無現代眼光，何能在版上置喙。我1998年提的另一看法，是：港產片的另一出路是用"獨聯體"方法生產！睇吓英皇娛樂年報，前年蝕本，衰在"行政費用"身上就知。

朋友，學著點！要踢人都要舉Ｄ實質嘢！此如，我唔會因為你係行外人而踢你，亦唔會因為你後生過我而踢你，要以事論事嘛！

此如，你連"電影公司"同"製作"都分不清，連貼文都唔識，屈我："你話發行同製作係兩個部門就可以, 電影公司就係全部包曬...."，可謂胆大包天，你自己語無倫次好啦，唔好屈我！朋友，睇清楚貼文，或者問下人，搞清楚D情況，先至好出聲啦！

(唔使回應，唔會睬你)

舊電影人

62# Tofabov
多謝Tofabov 聲援。講真，鄙人在電影行雖不至於完全無名(起碼見過報)，但一來我實質上/成就上是無名小卒，二來已成過去，三來我亳無好名之心。坦白講，舊電影人的名稱大大旺於我本人真名。

舊電影人

翻25boy#61，要補充一下(當發牙痕)：

屈我應該係呢一句：「電影公司唔做製作???」，而唔係呢一句：
「你話發行同製作係兩個部門就可以, 電影公司就係全部包曬,正如任何一間公司, 有會計部, 有巿場部一樣….」

但意思仲大鑊。黐x線，獨立製片公司邊有發行部架？80年代初我同一老細設一獨立製片公司，開拍《蜀山》(信不信？) ，公司只得300呎，員工只得三人(包括區區)。1992年幫外行老細一手一腳設獨立製片公司，地方面積800呎，萬一銀租，員工只得一人(4000元的Boy)，慳到盡，埋單一樣蝕，蝕皮費。

「....電影公司就係全部包曬,正如任何一間公司, 有會計部, 有巿場部一樣….」---黐x線！

1992年係港產片全盛期，況且如此，唔通25boy話而家D獨立製片公司，間間都有發行部，先至符合現代眼光？

舊電影人

kenny_koo

舊電影人:
你豈是無名之輩. 閣下昔曰活躍於電影時是金馬獎得獎者.

25boy:
正名與否,  Tofabov 已作一解. 我想網名, 筆名 跟真實姓名無異因那代表了你. 你若不肯面對及承擔自己的言論,用的是真名真姓還是張三李四並無分別.