續談「老Siu由政轉返商，進攻3D三級片」(2)

舊電影人

回應25boy#61

OK，你唔使勞氣，你大概不是行內人。

本人在行中最後做到獨立製片監製，1994年轉行，開始在報章專欄寫港產片生態，1998年得藝發局資助出過論港產片專書。至2000年北上揾食。2005年後多留在香港，2008年重回電影界，業餘幫人搞拍戲(一年)，所以知道一Ｄ現今行情。行情同行規不一樣，而行規(生態)我一直是知道的。

請問25boy是否行中人 ？不是斗身份，行外人亦可說出道理。25boy可否告訴我，我錯在那裡？我扮客觀是那一點？

我不是用八十年代眼光看現在電影，而是用八九十年代行規對比，那一點錯了？偏偏，"中港融合片"是現今的眼光，這是我在1998年就提出的，有書為証。25boy點可以剛說反了呢？我假如無現代眼光，何能在版上置喙。我1998年提的另一看法，是：港產片的另一出路是用"獨聯體"方法生產！睇吓英皇娛樂年報，前年蝕本，衰在"行政費用"身上就知。

朋友，學著點！要踢人都要舉Ｄ實質嘢！此如，我唔會因為你係行外人而踢你，亦唔會因為你後生過我而踢你，要以事論事嘛！

此如，你連"電影公司"同"製作"都分不清，連貼文都唔識，屈我："你話發行同製作係兩個部門就可以, 電影公司就係全部包曬...."，可謂胆大包天，你自己語無倫次好啦，唔好屈我！朋友，睇清楚貼文，或者問下人，搞清楚D情況，先至好出聲啦！

(唔使回應，唔會睬你)

舊電影人

Tofabov  

61# 25boy
25boy關於電影嘅論點，我外行人無謂越俎代庖搭嘴。但佢話「唔好成日話以前做什麼, 除非出正名, 否則是沒有意思的」，這類質疑在隔離壇常見，我認為十分之無謂。原因，簡單講：以事論事，別因人廢言（也別因人挺言，）就是了。

其實，舊影人的「真名」，跟開論壇（不只一個）他帖文的版民好多都知（我都知。）上句真名二字我用引號，不表示我懷疑我所知的不是他的真名（相反，我信其為他的真名，）只是怕有版民又來開叉話「挑，你肯定那是他的真名」，講埋哂呢類無啦更的題外話，就以為對正題提出咗合理嘅質疑。

舊電影人

25boy

25boy話我：「得出來既思考都是從小型電影公司角度出發 連客觀都係扮出來的.」

唔同佢爭。25boy連「電影公司」和「製作」的概念都分不開。我是少有寫出電影製作生態(電影工業) 的電影人(列孚寫個部錯很多)，因入行 ...
舊電影人 發表於 2010-10-20 02:38


電影公司唔做製作??? 以前電影撈到油水時, 大量呢類全包公司出現, 你話發行同製作係兩個部門就可以, 電影公司就係全部包曬
正如任何一間公司, 有會計部, 有巿場部一樣

唔好成日話以前做什麼, 除非出正名, 否則是沒有意思的

唔係扮客觀, 而係連客觀都係扮出來, 係咪咁既概念都分不開呢? 嘻嘻

你講果d野, 過曬期, 無論係舉例以及巿場看法, 用八十年代眼光看現在電影, 唔怪得知你係"舊"電影人啦.

舊電影人

>>腦燒講過電影發行行頭窄，窄在何處呢？<<

你不是行中人，講亦無意義。我亦不知窄的定義。

>>仲有腦燒依家做埋發行，其實對套戲有無幫助，除左收入。<<

自己無戲院，點做發行呢？(係指siu買入外國片發行本地上映嗎？)

獨立製片港產片賣去外國，多數賣斷，假如拆帳，分分鐘上身，因為拆帳會同外國院商拗數。

但賣斷，技巧好高，傳統係賣花，要講卡士，此如《3D肉蒲團》aim at日本，就睇呢幾條日本妹日本仔在日本的名氣。3D本身賣不到花的，唔好當人傻的，以為號稱製造一桇火箭，到時就會交出一桇火箭。D片段可以cheap到俾網聚友睇(Siu宣稱)，乜貨色，可想而知。----抓哂頭，係網聚上，點放3D呢？----同時話，明年六月才會出貨，到時唔知乜世界？食勢，都要食呢一輪的宣傳勢。

另一種係係香港上畫博big hit後，賣個好價錢。好似《英雄本色》，香港轟動，就賣到日本70萬美金，需知道，日本一向無埠的(“英雄本色”成本為港幣550萬)，電影就是賭博生意。

舊電影人

51# uc18503

影片發行(正名是代理發行)，指：

●港產片在本地上映的發行，多數由院線公司做埋發行。所謂做邊條院線(上映)，即包括埋發行，片主要從拆帳中再拆若干%發行費俾院線公司。

●外國片在本地上映的發行，即你買入版權揾戲院上映，孭飛好重，做哂重新配音及宣傳工作(Siu上過幾部韓國片)。另一種外國片發行公司係同外國電影公司合作，比如泛亞，什麼獨家代理，賺到開巷。有一種是外國大電影公司(如八大)駐香港的發行單位。

●港產片在外地上映的發行。呢一種好複雜，以獨立製片為例，監製做埋揾外國發行商的工作。實情是，是先賣出片花才能開戲。大公司就唔使，因為固定同外國院線有協議(指有華語片市場的外埠)。

注：以上是傳統做法，現在改變了多少，不知。

舊電影人

53# Sodi
Sodi是舊網友了，你能否先解釋，什麽叫"否証法則"?

舊電影人

25boy話我：「得出來既思考都是從小型電影公司角度出發 連客觀都係扮出來的.」

唔同佢爭。25boy連「電影公司」和「製作」的概念都分不開。我是少有寫出電影製作生態(電影工業) 的電影人(列孚寫個部錯很多)，因入行時己開始寫香港片(香港時報)。25boy能不說出能我扮客觀的例證？

舊電影人

看到那些評論, 說是電影人, 但處處得出來既思考都是從小型電影公司角度出發
連客觀都係扮出來的. 特別強調三級片的問題, 其實是一個重大錯誤.
25boy 發表於 2010-10-19 16:07

無厘頭講兩句又潛水，無。

試講吓「電影公司」&「製作」。

●片廠公司 V.s 獨立製片公司(不是獨立電影)---
例如：1972年的邵氏V.s思遠。
(1980年代未，片廠製作基本上上己消失，但片廠大公司仍存在)

●獨立製片製作V.s非獨立製片製作(院線公司)----
獨立製片製作有多種，由一片到兄弟班多片片公司，特徵是散工(部頭)
非獨立製片製作則是大院線老細支持的製作，如8、90年代嘉禾系同新藝城。

●製作大細同公司大細無關係---
例如"狐蝠"(伊雷、梁普智)是大製作，但是是獨立製片製作，因為部頭，自已又無發行話事權。當時繽繽公司好大鑊。

●非獨立製片製作(院線公司) 亦拍超小製作的----
如8、90年代德寶岑健勳FRIEND陳冠中主持過一輪百萬元級的超小製作(當時獨立製片的標準預算是350萬至500萬)。

●回歸之後，港產片散咗，有戲院無片上，所謂院線主導港產片生態的情況，完全改觀。現在的獨立製片製作是百零萬貨仔，出路只有中港合拍片。

●一係大(如十月圍珹、色戒，過億投資個種) ，一係細(百零萬貨仔，靠買碟) 。一般的好大鑊，杜Sir都唔掂，銀河早摺，英皇等於以前嘅嘉禾，去年蝕五千萬

舊電影人

多謝網友體諒，講吓其他嘢，等龍x起碼集資到月底個一輪至講(case study)。

舊電影人

Sodi

我有野問.....

舊電影人大大
可唔可以提供你的觀點
的否証法則
即要點樣 (發生乜事, 結果)
才算你的觀點 "不" 正確

如無就會是
公說公有理婆說婆有理

無辦法驗證到
你的想法是否正確......

thz~