談王x基搞電視會唔會大鑊？

舊電影人

kfceric

我不是電視人，我只是觀眾，主要都是看記錄片和外國的電視劇，TVB的劇太公式，一般頭幾集會大D制作外，後面的情節早便估到，不管個劇是古代或是現代，全是一個模式。

舊電影人

Wilde

還有的是如果套劇有三十集，，奸角殺人放火就做足二十九集，風風光光威足二十九集，然後大結局前半集先仆街合家剷，後半集就一班主角圍埋反醒講感受望將來，套套都係咁，真係睇到火都滾埋，照比例計如果人生有三十年，可以有二十九年風光，只得半年仆街，係人都選擇做壞人啦！

舊電影人

4313

嚴重脫離現實我應為是TXB最大的問題，雖然，佢係去「改善」過，
但最後，還是原地踏步。
例如，演員總是住大屋，永遠不是私家車，就是的士。
有一兩套劇係搬了去住公屋，但可惜格格不入。

80年代，TXB既劇，講愛情暗地裡都講得好直接，目的就係要上床，
那個兩人露臂而睡(搞完野)既畫面，好多劇都有。
上完床要給婚，牢牢地印在我腦海裡。今時今日那些三角戀四角戀，
都唔知戀黎做咩，無性無愛。尤如幼稚園學生談戀愛。
完全表現唔到咩係愛，比師拉韓劇呢方面，更要差。

有時候，知道TXB係有「小小心」想改，
但可能基於觀眾水準太差，花多些錢去拍劇的意義根本不太。

舊電影人

青翼蝠王

通常奸仔同主角係好兄弟或朋友,主角仁厚,奸仔就實係急功近利
佢地會有個大奸大惡的對頭
頭半就係大奸人恰對兄弟,主角忍辱負重,奸仔就會變奸
奸仔會扮野加入大奸人陣營,尾幾集會用毒計消滅大奸人
主角對其手段不以為然,跟住就係兄弟反目

最好笑係奸仔無論乜野職業
最後都會搵到支槍,瘋狂屠殺,槍法仲好準
捉埋女主角要脅

主角要救人單槍匹馬趕到,飛車槍戰咁

奸仔會對主角話"全部都係你既錯"
主角會長篇大論咁感化佢,跟手奸仔就放人或失手殺左女主角或女主角昏迷
奸仔之後自殺或坐監

後半集就真係無無謂謂狗UP一輪又生左幾個仔咁

以前鄭少秋D大報復,烽火飛花好好睇架
教育程度高左,電視劇就愈來愈智障

舊電影人

infrontofme

嚴重脫離現實,係依家無論電影定電視通用嘅公病。
已介電視應有十年。(連陳法拉都唔太知乜水....)
當然係未因為自我約束唔想拍就另一回事了。

舊電影人

冇上兩日，睇到好多評論TVB劇集的帖子，這是我十幾廿年前所做的事(抨擊香港電視業)，這裡暫時集中講21世紀王某點搞香港電視好。大家隨便。

舊電影人

>>已戒電視應有十年<<

我區不能收無線電視，所以八年前已沒看TVB/ATV。
但廿多卅年前我已戒看港劇(除非工作上需要)，但極迷美劇及電影(錄映的)。
八九年前開始迷韓國電影韓劇(VCD)，絕不看台劇，日劇大陸劇睇一兩部咁。

五年前訂購NOW，主要看VOD--HPO。兼看一些大陸劇韓劇，好渣---証明電視台的programming有問題。

三年前開始上大陸視頻，嘩，攞命，打破哂我以前的消費模式，晚晚無覺好瞓，
連NOW的HPO都飛起。恨自己出世出得早。

王x基唔知知唔知呢D消費模式的變化。(我知，我不是个例子。課題是，現代的牛頭角順嫂的消費模式若何)

(7)

舊電影人

indy

多得TVB呢間本港唯一電視台,我可以睇少好多電視,做多d其他野

舊電影人

盪L

多年前 "The Simpsons" 其中一集, 就是說這話題: Simpson 太投訴某卡通太暴力, 結果電視台受到壓力, 被迫將套卡通改到 I 級, 小朋友們即時冇晒興趣睇, 是否他們冇晒娛樂呢? 結果, ,他們關上電視機, 行出家門, 看到外邊藍天白雲青草地, 於是大家都高高興興, 健康地玩樂 .......

舊電影人

結構改變的例子

目前睇唔到有乜因素可以改變這個結構。比方，美國電影在五十年代始開始轉形，改變了「收入靠戲院」這個結構，而用「片廠大公司+電視台+片庫」這個模式，以電視廣告主。後來日本sony收購哥倫比亞，目的 not even是電視廣告，而是銷售旗下的Betamix錄映帶(小弟當年的至愛)。種種，還有其他轉形模式，不贅。

美國地方大，電視和電影合壁，益發壯大。香港地方小，電視業和電影業從來冇合壁過。舉例，古寒財主SB勒住批邵氏殘片，以係實，30年不放，而家整個乜有線SB台，好似冇乜人吼，殼王陳(TVB新股東) 先前己賴過嘢。香港電影在電視業中發唔到圍，香港電視亦叨唔到香港電影光。

(8)