人網分台，老Siu由政轉返商，進攻3D三級片(1)

舊電影人

「3D電影戲票100元計，十萬人次入場已達標」亦是一條笨七數，那是貴買貴賣的問題，反之，貴戲票亦會嚇怕自由行阿叔。

電影行好邪門，有人睇就有人睇，冇人睇就冇人睇。冇人睇送义燒飯都冇人睇，不是用貴戲票作標準的。用100元睇"阿凡達"，打崩頭都

舊電影人

本欄評論《3D肉x團》，是以常態論，不排除老Siu有奇招(很多幕後嘢，我地不知)，能人之所不能。

關鍵是增加3D這個因素，能否賣到外埠(如《赤壁》般除傳统埠外，加日韓大陸及歐美)，呢一點真係唔知。或者拍起至講，即係唔計住

舊電影人

製作wise & 創作wise(A)--- 「the脫星」而不是「a脫星」

講完製作wise，講創作wise。製作wise係：
---「拍乜片種」(三級+古裝)，
---「投資幾多」，
---「計算回收幾多」，
---「揾邊個拍」(脫星+導演+3D操盤手)，
---「控製預算」(揾邊個控製)。

三級(脫)片的吸引力好簡單：
---「睇邊條女剝？」，

三級(脫)片天條係：
----「the脫星！」「the脫星！」「the脫星！」而不是「a脫星！」。

電影是一種illusion事業，而三級片則是fantasy事業---對那脫星產生fantasy。時維2010年，唐片illusion己失(轉去西片)，而三級片fantasy潮更早在九十年代中消失。香港固然沒有煞食女星肯脫，連脫星也沒有，連煞食女星也沒有。用粗俗比喻，九十年代人們容易起頭(fantasy潮)，女多。現今人們不容易起頭，又無女，求其揾一件，得唔得先。

但規律就是規律，老Siu其實唔使搞咁多嘢，用150-200萬請到周秀娜露兩點，低成本400萬理單，咁先至有得諗。

(1)

舊電影人

製作wise & 創作wise(B)--- 當正自已係李翰祥第二

以常態論，無人會fantasy片中的古裝、fantasy片中的故事情節的。比方，落Ｋ唔通想嗌碗魚蛋粉食？入得西飱廳唔通介意杯奶荼係撞定係浸？

從公開資料看，老Siu當正自已係李翰祥第二咁，以「玉蒲團」專家心態拍片，吹噓劇本的創作過程。仲唔止，仲話寫埋story-board添，仲唔止，仲發表3D製作繪圖室(?)的情形(唔知邊個係導演)，老Siu扮哂史匹堡咁款，令行家膛目結舌，使唔使咁呀？(小弟跟過行中兩大持技導演，略知行中持技水準及狀況)。

以常態論，冇煞食女星肯脫，此三級片己輸掉一半。我知，難揾人吖馬(蕭定一說揾勻所有靚模) 。師父教落，無人就唔好拍住。要搞清楚本質，係用3D強化三級剝衫場面，不是用一堆二打六脫星去證明你識拍3D片，3D係幾十年己出現的技術。

(2)

舊電影人

從未看過一部這麼重本的電影這麼輕視導演的存在的

創作wise不單只指寫劇本，而係「點樣將套片拍好」，關鍵在導演身上。

《3D肉x團》最大的疑團係，除了Siu父子外，不聞其他有名幕後人員，我也是從網上敲《3D肉x團》導演，才敲出孫立基之名。

或者孫立基很有才華很能幹，在幕後已出了很多力，係老Siu的袐密武器。但從表像上，我從未看過一部這麼重本的電影，是這麼輕視導演的存在的。

從表像上看，《3D肉x團》百分之一百是老闆的電影，而非導演的電影。事實上，《3D肉x團》亦打正「簫若元作品」字樣，這是令行家看小兼鬧笑話的，「作品」一定是refer to導演的，你係老闆，點都得。besides，三級片有乜馨香？作乜嘢品？

(3)

舊電影人

自己做老細投資拍片

在電影行中，第一最忌(員工)自己投資開拍(真金白銀)，第二最忌老闆霸哂所有嘢嚟做但又做唔到嘢。關於第一點，兩種情形，員工(比如某導演) 票房好掂，肥水不流別人田，自己投資開拍。第二種是自己唔掂，無人吼自己的劇本，則自己投資。

電影行好邪，除了當紅演員，員工自己投資開拍的，多數唔賣座---我見過多起。原因可能係，自己做老闆，創作上就會迷失，製作上就會刻薄，精英者(亦即揾水者)會唔埋班。第二種叫可憐錢(資金)，渣導演+爛劇本+孬老闆，影片通常不大成功，揾到啖食都笑，該導演目的是延長演藝生命，博下一部有老細請。

《3D肉x團》理論上是第二種，過氣編劇兼監製做老細，但有水，所以資金層面叫傻錢，即外行老細的資金(90年代40%依靠這種資金。Btw，大公司叫硬錢)，但Siu是行內人。然則，《3》的二千萬是可憐錢抑或是傻錢？待考。

而在疑是傻錢之下+第二種情狀況(老闆霸哂所有嘢嚟做但又做唔到嘢)+又認哂叻---的情況下，會發生下面人員"不會同你博+不排除蛤水(不是貪污)"的情況。成敗關鍵在導演身上，忠不忠心、有冇能力同不care credit的情況下，在創作上做蕭若元第二？拍出"蕭若元作品"？

且在無威望的情況下(孫立基係剪接師出身，似未做過導演) ，係無乜權力下，壓得住班crew否？----因為一片式獨立製片都是臨時埋班者----尤其是個攝影師，是key man。此外，或者得靠一個不會落格兼熟練的跟塲監製(蕭定一?)，老Siu(老細做監製)係得啖笑者。

(後注：以上以常態論，未知《3D肉x團》劇組具體結構，這裡不是說它的具體發生。)

(4)

舊電影人

行內人老細扮導演認叻

老細霸哂所有嘢嚟做但又做唔到嘢(指導演方面)，同時認叻，會打擊下面創作人員的士氣。老Siu的壟斷影片創意的提法和認叻，可以話幾嚴重，同時又無厘頭。

假如我係該片導演，我會問：『老細，你拍一部三級片啫！唔係拍一部「玉蒲團考究史」係馬？』

老Siu係節目中講了N次如何嘔心瀝血苦寫「玉蒲團」劇本，又吹墟是他寫過最好的劇本(但後來又話再改一半)，試問導演拿住老細的劇本，在現場敢不敢改動？但我從未看過電影在現場會照足劇本拍的。

(5)

舊電影人

我經歴的電影嵗月，很少聽聞電影人高調認叻的(指公開)，記憶中，有高寶樹(話自己是中國第一個女導演)，霍x良(話自己是第一個最年輕導演)，高x森(話自己一個人寫哂一整套”變色龍續集”)。但他們都是導演。

而老Siu以老細+編劇身份，幕前幕後扮導演的能量，都無人話你，因為世界上有好多傻而狂妄的老細。但老Siu就這部《3D肉x團》，可以公開咁話：「以前D人都唔識拍古裝片，睇吓我點拍古裝片！」，就有D過份，侮辱電影史不止，言詞近乎黐線。

好比，一個狂妄的機師說：「以前D人都唔識製做飛機，睇吓我點製做一架飛機！」，PK的地方是，他又不是導演，將來《3D肉x團》非驢非馬，又唔關佢事(在人網的多項政治活動中，虎頭蛇尾，就如是。siu是個人版)。

(但不排除siu只在節目中向長毛及信徒認叻，在幕後是另一款，點傻都唔會同錢鬥氣係馬)

(6)

舊電影人

Case study："對--行內人老細扮導演外行地製作三級片企圖用3D達致成功---both叫好及叫座---的觀察"

Roger唔使緊張，我多年來批評Siu & Co.各種issue，都有一班謾罵幫如影隨形。

我分得出也乜嘢係無理謾罵乜嘢係討論，我從來不中計，被撑亂歌柄，而且會寫多D。但我不反對任何網友發言，這是網絡世界，言論自由。但不會傻到會回咀。

我多年都是我手寫我心，自問硬淨，以及理據充份。
如果我有錯，會

舊電影人

朋友不明白，我的批評是站在right or wrong的立場，非功利立場。who care "肉x團"成敗？(Siu 都唔止衰過一鑊)，但會反眏一個case，幾有趣：一個咁聰明的人，為何會如此驕妄？驕可以理解，妄即係笨七，卻令人難以理解。

我現今和電影界毫無關係，不等於我毫無認識，不等於我毫無見地。我仲未寫"肉x團"其他因素，比如3D，假如 "肉x團"大賣(比方說全球收一億)，當然會否决我上述wrong的估計。不過咁，電影界有太多奇迹產生。比如"神偷嵗月"點估到有班評判俾個兒童獎過佢。

我前文"外行"的指責，是指，片主有無諗過，影片收一億(全球票房，非賣埠)才有賺頭的"計算"？二千萬預算估計最後會超支，因為除了影片本身，公司皮費可大可小，更不要說3D技術費用的難測性了。和紀嵐風的談話不是欺人就是自欺。

朋友不明白，我的批評甚至會產生矯正的作用都說不定。

人網中排山倒海的有關 "肉x團"的欄目，一是宣傳稿，一是馬屁精發言。一個標榜爭取正義的政治網，宣傳一部三級片，已經好核突，網上竟然對一部無厘頭尚未拍成的三級片，一片高歌頌德，這是一個什麼反智的世界？

(不會回應和本欄主題無關的發言)