引用:
原帖由 tigerfly 於 2010-8-12 07:09 AM 發表  
譚炮亦唔好得去邊
成日UP錯野

咦，有人識咁講，good！

譚大炮學識淵博，強聞博記，但太愛認屎認屁，台灣個邊係人都係佢老友、上司、同事、老師……。

一方面跟民進黨(黨外)上街示威，一方面幫國民黨做嘢---都不知基本矛盾處。

８月３日潘小文問：乜嘢叫"牛肉場"？呢條炮第一時間反應：

"....附近有麥當勞..."
"....當年流行where is the beef?...."

潘小文等啞哂，呢條炮認屎認屁認叻的心態近乎不正常。

[ 本帖最後由 william.c 於 2010-8-12 05:28 PM 編輯 ]

"牛肉場"的出處-----

小弟在台灣住過幾年(80年代)，台灣嘢知少少。"牛肉場"的出處在網上講過幾次(人民台、人網)。

台灣在解嚴前(1987)，坊間的脫衣舞場，都不準露三點，為此，管區都派有員警盯場(其實係行咇的差佬去昅場兼抽油水) 。大家有默契，員警盯場，久不久就會被推"去吃碗牛肉麵"！

該脫衣舞場趁員警行開，去吃碗牛肉麵的空間，則大露特露(是否露第三點，小弟不知，因未去過)。故此"牛肉場"就成為有露點的脫衣舞場的招徠語或定位語---潛台詞係通知大家不會有人掃場，曲線地交了保護費而露點，Ok?

"去吃碗牛肉麵"在香港等於"去飲杯茶"、"去抖抖"。講返，脫衣舞場員警"去抽根煙"同"去疴篤尿"都唔得，因時間太短。而員警去吃牛肉麵，假如有人檢舉(行開)，則可交差(係人都會餓嫁，right?)。"牛肉場"係台灣貪污交易成本範疇，本身字義與色情無關。

譚炮竟然扯去"麥當勞"、扯去老布殊的競選用語，夠晒膽大包天，PK的是面不改容第一時間大聲嗡！潘小文等啞哂。譚炮不知發言信用度為何物！