陸傑宵夜保護老簫？/與網友對談

william.c

●「蕭生說新城做節目的日子，未嘗惹誹謗官司」，即是說老簫很識避法律，但，老兄，這和老簫會不會在法律之外產生麻煩，是兩回事，白丁唔係咁幼稚係馬。

嗱，這裏不是研究「小公司怎樣對付大集團拖數的招數」這個議題，我不是商人，亦不識這一辧。然而，鄭經翰梁天偉發生過乜事大家知道，豈是識避法律能安之。(我非危言聳聽，只是想指出有「法律之外」這種東西。然則白丁的保護觀未免淺薄)

風簫簫節目&龙門陣(其他不詳)一直針對L家。我绝對不相信L父子會對批評他的人進行私法報復，但跟住L父子揾食的人呢？大家聽過動搖台灣政局(台獨由此上台)的江南案沒有？當時(1984)台灣情報頭子汪希苓聽左蔣孝武發了兩句牢騷(關於「蔣經國傳」)，以為是「上意」，就指使竹聯幫陳啓禮、吴敦董、桂森刺殺江南。

還有一單，據唐德剛考證，袁世凱有殺宋教仁之心(但一方面想重用)，但無落過命令。擦鞋仔趙秉鈞做左先，吹咩。(老袁食死貓，以後毒死返趙秉鈞)。世界上好多擦鞋仔也。

william.c

●我無重聽全部風蕭簫，憑記憶，從脈络看：---

◎老簫以行家身份批評L氏 & Co-----他以前是建築界，收過L氏公司的數(?)。

◎L氏妻子墳墓給人挖掘，老簫說過(聽說)可能是被拖數的人所為。(02/02節目結束前匆匆忙的一段話)

◎至此，我個人認為，老簫己陷入這個敏感的問題中。假如不是拖數的人所為，勞方就會媽老簫嫁禍。假如真的有這種可能，L氏公司(含擦鞋仔)又會不高興：掘墓Hijet拖數？抑或拖數Hijet掘墓？

總之，bring up這個題材的人或節目，都不會令L氏公司(含擦鞋仔)高興。我當時聽到，心頭一震。覺得老簫有點孟浪，這是大新聞，有證據是可以大做的。大做無事，但假如隨便嗡兩句就變成「唱人」，甚或挑撥了。甚至由梁錦祥講出來都比較好。這就是我說過老簫商人身份的矛盾(江南是老國民黨員，所以蔣孝武興)，另外就是浪漫性格所致。

william.c

◎老蕭說出「小公司怎樣對付大集團拖數的招數」的話，我不知白丁怎樣理解，在我簡單的頭腦中，會Tag上：
•一班收唔到L氏公司(下面大判二判)數的人→可能有人掘墓→老蕭教人如何追數。

◎老蕭進一步陷入事件中(有人會問：咁算點先)。

我不知陸傑是不是由於這樣才制止老蕭說下去，但客觀上這個撑亂歌炳來得及時。老蕭要講「策略」，過一排再講吧！

還是那句話，全是推測。但既然白丁篤口篤面要我「可有覺得哪些言論會有問題，說來聽聽好嗎？」我只好說說。

不是怕不怕的問題，相信老簫亦不怕。這裹不是用老簫角度，而是從旁人關懷老簫的角度，何怕一萬。只怕萬一。

william.c

亂世中的草民
註冊用戶


看見大家如此興高采烈的批評陸傑, 我也來發表一下對陸生和這節目的意見

之前留意版都成日有人批評陸傑屎, 今次 william.c 分析得最詳細, very good
陸傑一直自以為最熟悉台灣政情, 這也是我認為唯一留在風蕭蕭的原因,

當然, 佢講得一點吸引力都無, 一味就話一個xx(包括 政府 , 軍隊,  政黨 , 部門... )無可能容許 呢d 咁既事發生, 但係就欠缺好多解釋, 見解亦都好普通, 搞到同維園d 伯伯差唔多,

陸傑對香港社會既理解亦非常缺乏, 首先他非常out, 一般既事都唔知, 要其他主持人話俾佢知, 咁都算, 佢仲要嘈住哂,  真係唔出聲無人當你啞, 亂咁講野咪等人知道你乜都唔知, d 聽眾往往聽到呢到都好炆,

平時佢又加一兩句無聊之詞, 好可能佢無乜主持經驗, 節目主持唔到普通傾閒謁, 唔應該無端端出聲, 因為聽眾正聽緊蕭生講野, 佢插一兩句無意義之詞, 不但中斷蕭生講野, 聽眾的思維也會受到干擾,

為了風蕭蕭做得更好, 我在很早之前( 在第一代留言版) , 已開始批評陸傑, 希望他不要再破壞節目氣氛, 因為我知道長此下去, 陸傑必遭大家批評, 當時無乜人附和我, 可能當時留言版的格式問題, 後來多人聽風蕭蕭,  留言版又可以keep 住topic, 批評陸傑便一直保持留言版的最前幾位

我曾表示這台為人民電台, 應該尊重網民意見, 更換主持人, 好可惜, 陸傑仍然長存這節目中, 不知道梁錦祥是否知道大家都鬧陸傑, 故佢曾經話陸傑成日問埋d 戇居問題, 真係大快人心, 算是為大家消消氣, 再加上陸生講太多non sense既野, 其他主持人都開始唔理佢, 搞到陸傑講個d野, 大部份都無人會接,


近年尾的一段時間, 少左陸生係度阻住哂, 再加上佢那段時間無乜發表佢個d 廢話, 個節目好聽左, 可惜最近陸傑又故態復萌, 又開始亂咁出聲, 想招惹各方網民, 可謂自找麻煩,

間中我都會看看批評陸生既留言, 今次是芸芸鬧陸傑的留言中鬧得最精彩透徹, 連陸傑唯一自豪的台灣政情, 在william.c 面前可謂錯漏百出,

當然,就算個個都唔妥佢, 決定權仍在於主持人手上,  即使其他主持人就算唔踢佢出局, 我聽得多風蕭蕭, 也開始對陸生麻目了, 佢講既野我聽完就算, 當佢亂咁講, 這是一種習慣,

當然,  套用陸傑既說法, 就係叫佢快d走, 無謂留係度咁肉酸, 希望陸生唔好好似董伯伯講埋個d 要走容易, 要留就好難既廢話, 陸傑一走, 風蕭蕭一定明天會更好,

其實我好希望搵林超榮做主持人, 佢做頭條新聞講d野都好搞笑, 風蕭蕭開頭都搵過佢講一集, 非常正, 或者搵毛孟靜幫下手做幾集, 佢之前客串都幾好, 佢講野好有point, 令人覺得很有說服力 , 最差一集是搵左個變靚d妹仔,名我都唔記得lu , 無線二三線個d姐仔, 乜都唔識, 搞到班主持人唔知講乜好, 佢又無得出聲,

呢排phone in 開始過了火位, 打親黎都係個幾條友, 講d野又係個幾幅被, 次次都係話民主黨, 聽多幾次都悶, 我覺得打入黎個d電話都篩選下先lo, 唔係有電話就接, 最好既形式都係icq 和chat room, 主持人較容易控制題目,

希望這節目做得更好

william.c

白丁
註冊用戶


我說的「獨得真傳」，和「心術不正」都不過是疑問句，當然我這樣寫是暗示這個意思，但語氣都委婉了很多，未至於人身攻擊吧？

「可有覺得哪些言論會有問題，說來聽聽好嗎？」是禮貌地向你請教，用上敵意如此強的「篤口篤面」，不必吧．

william.c

shiina
註冊用戶


對亂世中的草民 的評論十分認同...
其實, 如果留意早期節目的近代史, 談及軍事話題, 陸主持都唔見得有深入獨到分析...
資料補充也經常出錯... 這也是我注意他的開始~

建議客串的主持, 我個人覺得毛毛寫文章還好一點, 做節目時, 言語經常不乎邏輯...
例: A-> B, thus B' ->A' (這是正確的)
但毛毛經常 (A-> B , thus A'->B')
大家也去注意一下吧~
毛毛的個人性格很強~ 節目風格也很強..只是我個人不buy~ ^^

超人都唔錯... 只不過有時唔需要強求句句都好笑...
發人深省的言論相對較少...他是輕鬆型的主持吧...

william.c

SuperRedBean
版主


  Quote:
Originally posted by 亂世中的草民 at 2006-2-13 01:42 AM:
看見大家如此興高采烈的批評陸傑, 我也來發表一下對陸生和這節目的意見

之前留意版都成日有人批評陸傑屎, 今次 william.c 分析得最詳細, very good
陸傑一直自以為最熟悉台灣政情, 這也是我認為唯一留在風蕭蕭 ...  

姚樂怡還是 hkcyber 舊主持 Ginny? Ginny 好似讀歷史出身的

william.c

陸傑真係慘，個個禮拜俾人凌遲，逢開咪前都要諗吓點算。我諗老簫都要負D責任：傑叔可能己經話唔做，老簫為左自己面子……..。傑叔受批評程度直追老懵董(指係一個圈子入面)，老簫倒董但保陸，所以william.C話老簫係一個矛盾之人。

講開，傑叔爭唔過。上個禮拜，長毛講耶路撒冷，話：「淨係哭牆都唔掂……」。傑叔好天真地問：「點解一幅牆會……. ？」笑到我幾乎碌地。

william.c

Lsuiming
註冊用戶

白丁係本壇好手，同william.C過招，以為有野睇，點知……..。我多口插咀。william.C回應白丁#39  寫左千幾字，點知白丁避開，仲講返轉頭，話：我的係疑問句，你唔使咁大敵意……。(#41)

白丁真無謂，自己都承認「當然我這樣寫是暗示這個意思」，咁仲有乜叫做疑唔疑問之句？"猜測"一詞係william.C講的，我估計，係william.C保留餘地之語氣，點知白丁攞去用，打返對方咁都有，男人大丈夫講左唔好縮返轉頭。使乜縮呢？或者陸係真係有去同簫生消夜都未定呢？

白丁有問題係「如此心術的人，會自己退下來嗎？」呢一句，白丁自己睇真D，「會自己退下來嗎？」先至係反問句，同「此人是想在宵夜時間獨得蕭生真傅？」一樣，係反問句，甚至唔係疑問句。反問句己有指控的意思，男人大丈夫講左唔好縮返轉頭。

「如此心術的人」明明係肯定語氣，唔係如白丁所說「我說的「獨得真傳」，和「心術不正」都不過是疑問句」。白纸黑字，咁都有得抝？

呢一句語氣好重要，william.C由於咁，話白丁「尤其是跳結論至「如此心術的人」，我認為末免武断及有人身攻擊之嫌。」，如果白丁唔認，反過來就係william.C詆毀白丁了。各位網友可以俾D判定。

最後一樣，白丁锄william.C：「可有覺得哪些言論會有問題，說來聽聽好嗎？」是禮貌地向你請教，用上敵意如此強的「篤口篤面」，不必吧．」

真顶白丁唔顺，你唔能夠用語氣有冇禮貌黎掩蓋語意的。比如：「對唔住，唔好意思，我小你老母」同「我小你老母」有乜分別？

白丁，你鬧william.C渾噩呀！仲唔係篤口篤面？：「蕭生需要陸傑保護？陸傑能夠保護蕭生？如陸傑真是如此想法，則更是渾噩．」(#37)

因為，陸傑無話過要保護蕭生，白纸黑字，呢個係william.C的想法，你咁仲唔係閙人？曲線鬧人，仲話有禮貌？跟住又話人地唔領情(禮貌)，你惡哂了！

全世界都知蕭生係新城開味無俾人告，你大william.C，叫佢舉出蕭生有無俾人告，挑戰意味濃厚，仲唔係篤口篤面？你明講「......可有覺得哪些言論會有問題，說來聽聽好嗎？」就叫做有禮貌？人地回應一句「篤口篤面」，你就鋤返轉頭，乜都係你啱哂。

對william.C所講D野，一句都無回應，渣唔渣D？其實得兩點，「法律以外的東西」同「簫生講拖數會唔會被人聯想教人針對某家」，白丁回應一句未諗過，咪算囉，所必輸打嬴要。

william.c

ifg
註冊用戶


  Quote:
Originally posted by suiming at 2006-2-16 17:36:
陸傑真係慘，個個禮拜俾人凌遲，逢開咪前都要諗吓點算。我諗老簫都要負D責任：傑叔可能己經話唔做，老簫為左自己面子……..。傑叔受批評程度直追老懵董(指係一個圈子入面)，老簫倒董但保陸，所以william.C話 ...

... 傑叔好天真地問：「點解一幅牆會……. ？」笑到我幾乎碌地。  


老簫唸過沙士比亞
台劇好睇
要有 fools, jesters, clowns and buffoons
問題係沙劇 fool 言多有大智慧
傑叔就 ..........