又聽譚炮吹水：香港記者中只得他是博士

william.c

近日聽返Mr，各位大佬仲係好叻，仲係好有表現，但感覺上比以前跌watt好多。

譚博學問淵博，強聞博記，但周時認屎認屁呢家嘢最難頂，逢提台灣友，都係佢老師、同學、死黨、同事…. 。本身係藍營(?)，但民進黨天下好似由佢打返嚟咁。講起大陸唔使講，乜都關佢事。在節目中，假如有人提起一些行業，佢都做過，頂冧開台的狗護士(現在少聽)。我懷疑開咪吹水的人都喜歡自大。

有一次譚博居然哂：香港記者中只得他是博士！潘小文馬上回嗆：TVB也有！…. 問題不是譚博知不知道TVB也有博士做記者，而是他的自大心理！

譚博係面對阿爺的態度上，有時好縮骨，佢有時讚下阿爺，有時又會亂吹反共，好得人驚。有一晚話(國共內戰時)共產黨奸淫擄掠，呢一句連另一個主持人都嚇一跳：「無奸淫掛？」譚博答土改時奸淫地主婆咁話(大意) 。譚博不是一個反共反到short咗的人。By common sense，共產黨最得人驚是鬥人，不是奸淫擄掠！共軍軍紀很嚴厲的。

前幾日，有關捧殺馬草坭，譚博居然不知道「駡殺」和「捧殺」是出自魯迅文章。幾十年前，陸離讚章國明為天才，我為文引用過。譚博不知道「捧殺」出處，亦可以强詞奪理地解去其他地方。這令我想起佢話梁立人係由老蕭帶入行的一段話，不知道的嘢可以講到實牙實齒，這種記者sense，令人搖頭。