[中國經濟]-閒談「亞投行」

william.c

[中國經濟]-閒談「亞投行」(1)
---反共友仲係唱衰中國經濟
2015-04-04

朋友問點解呢一排唔見我鋤Siu氏on大陸經濟。係咁，我以Siu氏作為sample抨擊反共友一向的反共愚昧，不是個人針對。其實佢一直唔知道大陸經濟發生乜事，我評過他的方法是扶乩+喊驚，近來且是hae喊(驚)，不足一哂。我遂去評下練乙錚、呂秉權、陳健民等人的文章。

講開，大陸經濟好不好，真係關Ｑ我事，鋤反共友on唱衰大陸經濟、純粹係自娛，引自已睇大陸資料咁。近來沉醉於大數據(做法)，這方面miss了些。朋友提起，講兩句。

朋友話Siu氏好似好唔想講亞投行咁(周一的消搖遊) ，Why？我猜，這是逃避，中共的「好嘢」，他都當睇唔到，十分可憐(好似我先父)。例如，2013年底三中全會決定的「讓市場在資源配置中起決定作用」、「上海自貿(試驗)區」、「一帶一路」，他提都未提過一句。

Siu氏基本上冇心觀察大陸經濟，冒犯講句，基本上係唔識嘢(注)。但反共友仍當他是專家，周四他終於鳩噏過兩句「亞投行」(香港不應加入) 。昨天《大君伐》的安東尼居然多次Qoute「燒山講」，令我百思不得其解，Siu氏基本上無講「亞投行」內容喎，反而前一日肥仔劉在《随意門》中瘋狂地勁鋤「亞投行」無用，講咗一大輪。咦，錯亂雲也來月旦「亞投行」，但雲根佬一向不懂經濟，話「亞投行」古怪，笑到我碌地。其中杰斯仔最早講，比較中肯，但結論都係鋤﹕劣幣驅逐良幣。

試輯錄此上各Link﹕
https://ia601509.us.archive.org/…/ra…/gotocn20150321bseg.mp3
《北上頻道 第二節：劣幣驅逐良幣 - 亞投行》
https://www.youtube.com/watch?v=6uRnAo_97LE&feature=youtu.be
《亞投行唔會有實質影響〈隨意門〉2015-03-31 c》
http://www.hkpeanut.com/archives/1030
《第3節：亞投行與三跑關係可能千絲萬縷！本土派支持者並非全部熱狗！》
https://www.youtube.com/watch?v=mhvvs8NZnZw
《陳雲 本土論壇 150403 ep95 p1 of 2 亞投銀行與香港的金融主權》

注﹕大家都唔係專業、這裡指業餘知識。Siu氏不止不識，佢可能係唔知、連香港報紙都無睇。

william.c

[中國經濟]-從亞投行談起(7)
---一帶一路with亞投行是「悄悄地佔領全世界」的華麗翻版
一般人常認為亞投行是中共「資本外侵」的進軍號，是miss the point。談到信用/資本的出口，中國自千禧年開始，已「悄悄地佔領全世界」(書名)，目的是佔領地球資源。外國專家指出，中國是全球唯一一個驚覺地球資源將會匱乏的大國(因為人口多)，十多年前已開始用現金「搶」資源。用現金+技術+人力替落後地區搞基建以換取資源，對像國家遍佈阿非拉。
從實用結果看，十分成功。也可以說它是「經濟殖民主義」。每一項項目動輒數百億元，亞投行的500億元濕濕碎。一帶一路with亞投行是將十多年來的「經濟殖民主義」合理化、國際化、華麗化。最主要的是建立國際金融霸權，與美國分庭抗儷。一帶一路則是新領域，相信將來其他的落後地區項目也不會放棄(如非拉，甚至歐洲) 。阿投行則是開山立櫃，建立國際錢站。
反共友抨擊「經濟殖民主義」做法，見仁見智。我認為做法可改進，內容無問題。協助落後地區搞基建都係一種罪？唔通學美國為了輸出民主(其實是親美)，用武裝扶助專制執政者(例子罄竹難書) ，才是正道？美國搞了60多年輸出民主，仇家遍天下，可資殷鑑。小，你成日講價值，無得講。
反共友如杰Ｃ之流懵到話(亞投行)什麼劣幣驅遂良幣、什麼民主錢，什麼抵制獨裁者錢，等等，幼稚得令人發笑。呢Ｄ契弟坐係香港冷氣房中侈談落後國家人民多不想有基建，以保持傳統環境云。呢Ｄ人無心肝到暈，幾百年前都話啫，人口一增加，就唔得。
本人幼年時家住新界，對住燈火講，18歲之前未用過自來水(指在家裡)，皆因村中有一口井，井水清涼甜美，可生飲。唔使講，若年後該井已煙消雲散，變成丁屋。嗱，試下捉呢Ｄ契弟去非洲住下，無自來水、無醫院，無公路個種，睇下點。契弟們夠膽去住(非洲都有廠佬)，我切。反共唔好反到short咗，俾理由都俾好Ｄ，唔好咁偽善，唔好係網台上鳩吹。去睇下本書啦，鬼佬Ｄ理由好Ｄ。

william.c

從亞投行談起(6)
----「中國信用的輸出」
什麼是「中國信用的輸出」？我quote以下文字﹕
『第三駕“馬車”是出口，但不是“中國製造”的出口，更非“中國創造”的出口，而是“中國信用”的出口。曾幾何時，“中國製造”馳騁天下，所向無敵，背後是勞動經濟而非知識經濟。“中國製造”的競爭優勢主要來自于人口紅利而非創新驅動，為此支付的代價則是不可持續的環境破壞與資源枯竭。
超一流的“中國創造”目前還是鳳毛麟角，而人民幣跨境業務卻就在此時呈爆發性增長，2014年達到10萬多億元的貿易規模，讓中國的人民幣在國際市場上的地位顯著上升，目前的市場份額已排名第四，預計今年有望破格納入國際貨幣經濟組織的“特別提款權（SDR）”而成為名副其實的“紙黃金”。』
一帶一路/亞投行是這種出口的工具及渠道。

william.c

[中國經濟]-從亞投行談起(4)
---亞投行不是「做會」、而是一人商會
對亞投行的喊驚一句否定，則是﹕「一帶一路是帝國主義」﹔涼粉祥話「一帶一路是血管，亞投行是血液」、好似好cute，其實好柒。一帶一路講緊幾廿年的事，牽涉幾萬億，而不是那1千億，去查查IMF、AMF這幾廿年借出幾多錢。老Siu用二者有二千幾億資產，多過亞投行，來踩亞投行、九唔搭八、根本唔係咁比較。
亞投行呢彈嘢，中共羸哂，盲都睇得到。錯亂雲話亞投行古怪，意指無理由自己夾錢借返俾自己的，錯亂雲是不識嘢。涼粉祥的「做會」比喻也錯了。亞投行不是「做會」、是form一個世界商會，商聯為主，關鍵是有一個腰纏$4萬億的發起人，仲話明係借錢俾會員裝修屋企，而1千億入塲費由有米的發起人出咗一半(其他的大概可以墊支)。1千億是入塲費，不是借貸資金。借貸資金是這個老細的$4萬億以及中國社會以後釋出的融資，這完全是中共個人金錢show，以錢結義。
中國官員接受訪問話，亞投行目的是為一帶一路鋪路。輸出過剩產能及人力，是其二。其三是消化中國過剩外滙。官員說，中國外滙需求僅是6千億，即是說、有3萬多億爛頭寸。日前中國世界貿易仍是順差。
Q仔抨擊多次的「中國資本侵略外國」就是指這一瓣。但令我費解、資本輸出，有乜唔啱？世界資本都係流來流去嘅啦！美國(政府)窮到出汁、都幫企業資本輸出啦，皆因美國握有美元霸權，全世界都要美元來找數。所以一帶一路/亞投行最關鍵的戰略，是世界金融話語權爭霸戰。亞投行借出、各國的基建用人仔找數、若干年後成為次大世界儲備貨幣，唔講得笑。

william.c

[中國經濟]-從亞投行談起(3)
---香港人反共根深底固
客觀地講，Siu氏的言論不是個別現像。去年我和兩個激進派青年荼叙，深深感覺到香港人不論年紀，反共思想之根深底固，此二青年甚至非中(國) ，所以後來發生的佔中及港獨，我一點不感到意外。
我聽開的幾個網台，亦如是。睿智如杰C仔，仍然認為M2=120萬億=印銀紙(QE)。肥仔劉大鋤亞投行，言不及義，柒過老細Siu氏。
花生台亦如是，炮打已戒聽。阿陶Group也是幻想對方膝蓋不能屈曲友，譚大炮是(政治立塲)兩頭蛇，詐傻扮懵，不論。阿陶自成寨主後，信心十足，口沬橫飛，前一排反對創科局成立的愚昧，不去說。突然懶權威地爆出一句「睇吓大陸(政府)有乜嘢創新機關？」，嚇得我幾乎從椅子跌下來。
查創新是國家行為，美國矽谷亦不例外(雖然官方無明文参加)。中共歷來重視科學發展，我細細個就知道聶榮臻這個人物。創新是中國國策，縱使創新成果不是很好(國際標準) ，但國家扶助的創新機關，恐怕全世界第一多。創新機關網都有N個，社會上、創新創業中心遍地皆是，阿陶唔係唔知中國係一個國有化國家係馬？
《大君伐》另一主持人安東尼，狀若冷靜聰慧，其實可能是大柒若智，一句「中國的創新就是抄襲，睇下華為？」一句否定，心安理得，但柒呀。前天Qoute Siu氏講亞投行，唔知講乜九。

william.c

[中國經濟]-從亞投行談起(2)
---集體中共膝蓋不能屈曲幻想症

這裡無意深入研究中國經濟，只對香港人反共的愚昧性感到興趣，以作紀錄---都係個句，共係應該反，但唔好咁蠢---據說，晚清時連林則除都相信洋人膝蓋不能屈曲的，在戰場上一仆倒就不能起來，於是踩敵之心大振、打飛機成功，吾皇萬歲。香港人反共往往一句話否定中共經濟嘢，心安理得地認為中國經濟已崩潰或將會崩潰，這是集體中共膝蓋不能屈曲幻想症。
比如幾年前，長毛認為人民幣是不能使用的貨幣﹔小季子也如是。老Siu這方面則更多﹕---百度係抄Google嘅﹔十八大之後中國會乜都做唔到﹔中國要以賣滛及貪污維持，否則亡國﹔習總專制，中國將無創新﹔人民幣升，仆。眨，又會仆﹔路易斯拐點過了，仆﹔大學生多，仆﹔PMI 49.8，跌零點一點，經濟仲唔崩潰？「GDP唔跌到三四點、我輸乜都得」﹔「樓市唔爆煲、我輸乜都得」﹔印咗120萬億銀紙，通漲，政府會倒台。假如通縮，中共也會倒台﹔「消費升級？絕無可能！」﹔股市升，係政府做市，係泡沫﹔外滙儲備多、會爆煲，减少一二百億，叫外資大逃亡，當然大鑊﹔降準減息，崩潰跡像﹔地方債務置換、係印銀紙(QE)….中日QE，天下繁榮，你中共QE，就死梗 。
到咗呢幾個禮拜，Siu氏仍hae喊﹕「中國經濟(之仆街) ，我都唔想再講。」上一個節目，仍喃喃自語﹕「種種跡像，顯示中國經濟(崩潰)…」，咁那行貨，相信連迷網友都會搖頭。洋人(中共經濟)殺到埋身(亞投行) ，仲幻想對方膝蓋不能屈曲。想像唔到一個咁聰明的人點解會咁頑固地愚昧？(我從2008年起就盯住佢鳩噏中國經濟)