反駁網友挑機的言論﹕「基建泡沬」、欠外債、地方債

umming

table_pak

引用:
原帖由 umming 於 2013-8-13 06:54 PM 發表
温鐵軍教授講，對比其他發達國家，中國經濟發展的優勢，其中之一是仲有投資/固定資產投資的空間，尤其是大西北地區及城鄉一體化的項目。即係話，中國經濟發展的優勢是基於仲有大把基建未起。温鐵軍教授講 ...

老實就冇睇晒你既鴻文, 不過從你字裡行間睇出大陸人有幾可悲.
- "仲有大把基建未起" 即係老蕭所講既泡沫- "目前中國幾乎是沒有外債的" 美媒：中国外债年底将达1万亿美元"
http://news.xinhuanet.com/world/2013-07/02/c_124940456.htm


另外請教流通貨幣,發行貨幣,貨幣儲備,有咩關係或分別??
從新華網一文中,"中国审计署副审计长董大胜说，最新的各级地方政府总债务规模在15万亿至18万亿元之间。这个数字仍在继续增长，而非缩小。"

即係各級政府透過銀行借緊中國儲備(印銀紙)去起基建等, 建造假GDP大夫,我既睇法啱嗎?

中國仆緊街呀
4004

umming

回覆 129# 的帖子

反駁網友挑機的言論
2013-09-28

寫咗幾年批評吹燒言論，終於有人來挑機，傾實質性問題添(但又係一兩句)，歡迎。不過唔好太不友善性，唔係啋你都生芒果。

唔好咁義和團啦，共產黨&中國有一百樣嘢應該反，但談問題應以事論事----尤其是經濟問題，俾出一Ｄ認真研究的態度----唔係就變咗吹燒幫的了(吹燒指九吹﹔吹燒幫指盲從、阿諛、反智)。我歡迎再進一步發掘吹燒在經濟問題上的低B，唔好越撩越臭呀，朋友！

umming

反駁網友挑機的言論﹕「基建泡沬」、欠外債、地方債
----「仲有大把基建未起」

先講呢一單﹕---「"仲有大把基建未起" 即係老蕭所講既泡沫」

先去睇睇温鐵軍係乜料，睇吓佢講乜至講啦！香港人井蛙心態至可悲。table_pak大概完全未想過吹燒可能係唔識嘢的。係，吹燒係聰明，睇得嘢多，但懶(冇時間)、心散﹔論問題大而化之、粗技大葉，佢係完全冇興趣冇mind-set去研究大陸經濟的(因為內心抗拒) ， table_pak大概完全未想過吹燒係好多方面都係噩魚頭老襯底的。

「"仲有大把基建未起" 即係老蕭所講既泡沫」呢一句，table_pak本身己引述錯誤以及理解錯誤。老蕭只講過大陸基建浪費及產能過剩，後一點他連概念都搞錯咗。「產能過剩」嚴格上只能用在製造業上，話過量基建(相對上)引致產能過剩(如水坭鋼鐵)才是 。(房地產泡沬是另一回事，我前面說過)

老蕭第二個概念不清的是，將基建窄化為投資﹔他更不知道「固定資產投資」係乜冬冬。年報「固定資產投資」佔GDP一半，佢就以為基建用咗廿幾萬億(其實是少數)。前面貼文已詳述過，table_pak好心去莊莊啦！唔好老蕭九噏(而且引錯)就當神喻！要挑機都先查清楚，唔該。(what the hell，一句話我要寫兩貼回應)。

(1)

umming

---基建本身不是泡沫

Btw，過量基建絕對係一種浪費(遑論貪污呢一部份) ，但基建本身不是泡沫來的(除非你轉化為財政負担，那是另一個項目，叫債務，但呢部份佔好少)。 "仲有大把基建未起"又點會係另一個泡沫呢？邏輯不通，你估温鐵軍傻咗咩，你估温鐵軍係網台九噏友咩。table_pak連理解力都有問題---温鐵軍講緊全國計的基建呀，大西北未郁呀。

習李上塲，話明減投資以剌激經濟呢一招，高鐵被人詬病，張志軍被判死緩，但2013年鐵路投資再加碼，鐵路投資就是基建，那就是"仲有大把基建未起"的反映。

老燒連香港高鐵都反對的，話真普選以後可慳返六百億，咁能蠢的話都說得出口，講乜都係夏蟲語之以冰，佢點識"仲有大把基建未起"的真諦，table_pak抬舉了他。

table_pak假如有小小mind，又試下去揾Ｄ論据反駁温教授的見解，唔好一句「睇出大陸人有幾可悲」就以為搞掂，好似見到有自由小孩係地鐵疴屎，就將十三億人打成鬼國鬼民(陳雲語)一樣，點解香港人會變得咁愚昧？好似拳民咁長期自我感覺良好，八國聯軍打到嚟都唔知乜事。

(2)

umming

寫寫吓，有Ｄ中計感覺，迷網個邊有條thread:"有無高手可以踢爆佢的謬誤"，有向我開火之意。以為會派個高手過嚟，點知係條盲x，連基本經濟知識都冇。

且硬著頭皮寫下去。

umming

反駁網友挑機的言論
----關於中國「外債」問題（external debt或foreign debt）

記得年前肥遮士係節目中憂心仲仲咁望住吹燒，吹燒斬釘截鐵說﹕「中國已經破咗產！」，即係一如table_pak所說「中國仆緊街呀」！當時我笑出聲來，我知道吹燒是引朗咸平所言---朗咸平固然是九吹，他所說也只是"政府技術上破產"---當時亦馬上知道吹燒對「中國政府富有、債權及債務」的情况一無所知，一貫性喊驚唱衰中國。我不是專家，這個問題頗複雜，下面只說個大概。

先回應table_pak的盲x問題﹕ "目前中國幾乎是沒有外債的" 美媒：中國外債年底將達1萬億美元"----

唔好大鄉里，美媒所講的那個外債是對外債務（external debt或foreign debt），唔係國家負債、主權負債、或主權負債到期違約---債務和負債是不同的。external debt係包括私人公司的，係對外生意上「未付賬」，不是負債。中國的三萬多億外滙儲備是「應收賬」一部份，且是現金。欠人1萬億美元賬是小數目(新數字)，為GDP之10%左右。美國外債就有16萬億美元，為GDP之106%。香港外債有9千億美元，為GDP之334%(維基)，香港有欠外國的債嗎？


(3)

umming

關於中國「外債」
-----中國的「財富Vs.欠債」問題

To be fair，我以前貼文說的「目前中國幾乎是沒有外債的」是有語病的，我承認當時對中國的「財富Vs.欠債」尚未一套清晰而概括的說法。正確來說，應是「目前中國幾乎完全沒有對外主權債務危機的」，這是一個複雜議題，現在試講下。

第一，是中國的富有情况(相對地)﹔第二，中國有冇欠外國人債的問題﹔第三、中間係債務債權流轉問題。中國年增長9%，30年下來，由年入3千億美元至去年年入8萬億美元，累積財富巨大，國進民退，政府等於國家，基本上冇乜用大到(如美國) ，冇資產泡沫爆破(如日本) ，有乜可能會欠外國人債？

中國經濟(發展)係有麻煩，但唔係仆緊街。踩中撚如吹燒、table_pak等人先入為主，唯心論事，低智。將債務債權流轉(其中的國債、外債等)看成欠債，等於長和欠緊銀行錢，就話李ｘ誠仆緊街一樣，不通嘛。而地方債是中國經濟(發展)有麻煩之中的金融負債表有問題的問題，基本上可控，但怕出現系統性風險(如信貸供應鏈斷裂，及融資平台出事) ，下面再說。

(4)

umming

關於中國「外債」
-----中國國債(Government debt /public debt/national debt)

唔好抝頸，想講一個情況﹕國債。每一個國家都會融資(借錢)發展經濟的，中國清朝以前唔識借錢(囿於儒家思想) ，所以輸俾好識借錢治國的歐洲國家，當時幾乎亡國。而美國從立國開始到現在都是借錢為生的，金融(股票)發達，以消費及信貸推動經濟。

中共近今學識西方呢一套，發行國債。踩中友唔好當呢Ｄ國債又係欠外國人債，要國家資產淨值為負才算是(政府面)---下面談----如美國政府(不是美國國家及社會) 。中國國債總額約10萬億人民幣(約佔GDP之17%至20%，低水平) ，大概冇乜流出海外(人民幣未流通) ----流唔流意義一樣，是融資，非負債---所以是內債居多(好似日本)，唔似美國國債近半由外國人hold住，即是名義上欠外國人錢。

假如將來人民幣國際流通，中國又敢發債，中國國債行銷全球，中國發達矣。唔好大鄉里，爭人錢絕對唔係壞事，產值不要低過利息則ok。入不敷支，爭人錢到期違約還唔起，才是壞事。所以我前面那句「目前中國幾乎是沒有外債的(指真欠債)」未必是好事，網友要辯證地看問題。猶如美國hold住天文數字的國債(16萬億)，俾人鬧到扒街，事實上有益於美國本身(當然是美國佬夠惡之故)。

(5)

中國政府隱性負債：中央為10.94萬億
http://china.dwnews.com/news/2012-04-13/58701808.html

umming

關於中國「外債」
-----中國主權債務V.s主權資產(Sovereign debt Vs.Sovereign assets)

前面講了「外債」、「國債」，再講一個「國家主權債務」。一個國家主權淨資產值抵不上主權債務，我的理解，就是欠外國人債----這是從國家資產負債表看出來的。

中國經濟學家李揚新近對中國主權債務分析中，指出﹕2010年中國主權資產淨值為69.6萬億，主權資產為93萬億，窄口徑的主權資產淨值為20萬億左右。
「無論寬口徑還是窄口徑，中國的主權資產淨額為正。因此，相當長時期內，中國發生主權債務危機的可能性極低；但包括養老金缺口在內的或有負債風險值得關注。」(李揚)

中國主權債務約佔GDP之17%至20%﹕而美國是87%﹔英國是80%﹔日本是210%。

有人將地方債也算入主權債務中，從而評論說中國也有主權債務危機(看附件)。請先看主權債務V.s主權資產的組成部份﹕

中國的主權資產主要包括六項，即：

國有經營性資產、
國有非經營性資產、
政府所擁有的資源性資產、
對外主權資產、
全國社會保障基金國有資產、
政府在中央銀行的存款。
---------------------------------------------------------------
中國的主權負債也主要包括六項，即：
中央政府的債務，包括內債和外債、
各政府部門和政策性機構所發行的有財政擔保的債券、
地方政府債務、
國有企業債務、
以金融不良資產及其轉化形式存在的或有負債、
以隱性養老金債務為主的社會保障基金缺口。
---------------------------------------------------------------

(6)

專家稱我國基本不可能發生主權債務危機
http://news.sina.com.cn/c/2012-09-13/024325160557.shtml

張茉楠：中國主權債務風險有遠慮無近憂
http://finance.takungpao.com.hk/hgjj/q/2013/0425/1572047.html

中國主權債務危機
http://www.chengmingmag.com/t313/select/313sel29.html

umming

關於中國「地方債」

地方債(含地方政府債&地方企業債) 我在上一輯講過下，這個問題相當複雜，我研究不深。table_pak之流大概也是不懂的，跟住吹燒喊驚中國仆街，他說﹕

『從新華網一文中,"中國審計署副審計長董大勝說，最新的各級地方政府總債務規模在15萬億至18萬億元之間。這個數字仍在繼續增長，而非縮小。"
即係各級政府透過銀行借緊中國儲備(印銀紙)去起基建等, 建造假GDP大夫,我既睇法啱嗎?
中國僕緊街呀』

李揚報告中，已將地方債打入主權債務中----但大唔過主權資產淨值，冇事。我的理解，地方債近20萬億(餘額)係債務，不是違約負債。好比有人膽粗粗，月入十萬，借按偈買咗五層樓，月供九萬元，點知公司有事人工減了一半，供唔起，於是借貴利…(融資平台)。即係咁，個總借貸額不是馬上要還的(樓價總貨款或供款年總額)，是帳面債務，有借有還則成(地方政府永遠存在的)。風險在於每月該供款項(即償還資金鏈)--- 即到期違約部份。Over all，地方政府債，中央會兜底的。(主權資產淨值只有20多萬億，一下子要還(或撇帳)地方債的20萬億？係人都唔信啦，同時那是中國國內帳目(自己人銀行)，債務冇抵押俾外國。)

我的理解，地方企業債嚴重過地方政府債，而地方政府債中的風險是融資平台(含影子銀行及理財產品，相當複雜---無時間去研究) ，會產生系统性風險，波及民生，影響社會隱定。這是中國金融方面危機，假如發生，係乜嘢形態，我真係唔知。但中央早已講，地方政府債危機可控。table_pak喊驚on this issiue，三幅屁，嚟挑機都俾小小營養吖！so sad。

(7)