評Raga尤金L的《（第一節：亞洲金融風暴 2.0 ?）

umming

評Raga尤金L的《（第一節：亞洲金融風暴 2.0 ?）25-08-13》
2013-09-6

踢開吹燒on大陸經濟，但他近來屁也不放一個(指大陸經濟)，遂捐去Raga《今日講故仔》裝裝，其主持人尤金L風聞是個上市公司主席，應該是個炒友，在Raga人前人後金主味重(但他聲言非金主)。其節目有講下大陸經濟，來源似多來自實務。道聽途說居多，比較弱於理論及資料，弱於推演，和我的路數不同。沒有全聽他的節目，因為有D範疇(如炒賣)我真係唔識。

偶聽《（第一節：亞洲金融風暴 2.0 ?）》25-08-13，嚇了我一跳，好多講法係我前所未聞者，錯漏百出，忍不住手痕，出出聲，娛樂一下。寫了一大篇，於三天前往該節目facebook Po文，點知Po咗三帖，之後，該facebook就Down了，至今。只好Po返黎本欄。

umming

http://www.ragazine.com.hk/mp3/story20130825adlc.mp3
《今日講古仔（第一節：亞洲金融風暴 2.0 ?）》

----------------------------------------------------------------------------------

評Raga尤金L的《（第一節：亞洲金融風暴 2.0 ?）25-08-13》

[關於金融風暴起因]
2013-09-07
●冇人會話(某地)金融風暴的起因是「大噩趙之」，這是膚淺的。例如，2008年美國金融海嘯，涉身大噩是誰？

●我認為，金融風暴應分開危機(潛伏及爆發)以及風暴(股、滙、資產暴跌)兩部份。有些風暴本身原先是沒有危機的，如1998年的香港。物先腐而後蟲生，某地金融發生危機了，大噩才來搵食。L將大噩後到搵食引起的波瀾講成風暴的成因，似不確。(1997年索羅斯先推高後踩泰市係助長其成因，不是主要動力)

●L主持人在節目中所講的，是亞洲金融危機/風暴。我認為首先要將亞洲金融危機同大陸金融危機分開來講，細路哥都知道，大陸金融是個不全開放的市塲，其金融危機/風暴(假如發生) ，應和一般(西方的)亞洲金融風暴不一樣。主持人撈埋一舊黎講，setting有問題，再之後講落去就九竹咁亂，可惜。

(1)

umming

[亞洲金融風暴發生與否]

●L主持人說，某一批人說亞洲金融風暴不會發生的三要素﹕
(後來佢直情忘記咗講正方個一批的看法，嘿)
(1)亞洲貨幣(外滙)儲備強勁﹔
(2)各國監管嚴格﹔
(3)中國遊客會在風暴之後往亞洲各國買東西，會讓任何一國起死回生！

●L說法十分鬧搞(even是引述---但相信係佢老作)。如前述，L將大陸同亞洲撈埋黎講，大陸外滙儲備多啫，其他國家不多也(L唔係講日本係馬)。我們談亞洲金融風暴，通常係針對東南亞。

●監管嚴格因素成效不一定，有時儘管監管嚴格都會隱伏金融危機，如現今的中國的金融業。

●中國遊客在風暴發生之後往亞洲各國買東西以救市，邏輯上不通。L講緊防止亞洲金融風暴之形成，不是講發生之後的補救。Besides，遊客購買力並不一定能補足跌輻的，L係咪搞錯咗？據資料，以香港為例，2012年入境旅遊對香港GDP的直接貢獻僅為 2.6%。內地祣客 (over二千萬) 僅佔1.74%，OK? 再Besides，金融危機結果不一定係淨是貨幣眨值的，而貨幣眨值也不一定會吸引祣客來買嘢的，如今年6月的日本---L講會有二億中國祣客外出狂掃貨。

(後補﹕Ｌ後來反對此說，話本末倒置，有點自說自話)        

(2)

umming

評Raga尤金L的《（第一節：亞洲金融風暴 2.0 ?）25-08-13》

[關於外滙儲備]

●L繼而用反方身份駁斥上述三個理由，但說法仲得意，並曲解了外滙儲備一義。

●他說，外滙儲備是一個國家的net pofit(純利)。冇人咁講的，冇人會用公司盈利作此類比的。

●國家的經濟狀況以GDP(總產值)來衝量，除投資及消費之外，淨出口額(出口減進口)所賺的錢是其一。L所講的外滙儲備not even是這個。話說，外滙儲備是拿來找數用的---中共On9，當財富儲備，另話----某一年的外滙儲備無疑是該國該年淨出口額所賺，係出納部份，非會計部份---不叫純利(產品唔使本呀)---- 咁總外滙儲備額叫乜？中共的三萬多億美金叫乜？而美國基本上無外滙儲備的，唔通美國完全冇進出口收入(L叫純利)？

●貿易盈餘(淨出口額)無疑是經常帳户(相對於資本和金融帳戶)的一部份，但不是全部。貿易盈餘唔係話你想盈餘就能盈餘的，外滙儲備唔係話你想拉高就能拉高的---L又撈埋中國黎講。1997年時泰國假如生性D用貿易賺錢，就唔使引入esay money炒呢炒路啦，L是倒果求因。

(3)

umming

[外滙儲備係講緊中國]

●終於L話拉高外滙儲備係講緊中國(前面九竹咁亂 ，唔提亞洲金融風暴是否包括中國)，而專講中國外滙儲備的形成了。無料到，跳來跳去---中國邊有發生過金融風暴呀？大哥！(他應該這樣說﹕以中國的情況來說，假如發生金融風暴...)

●L說﹕「中國外滙儲備多，是否由於中國產品造得好呢？」，it doesn’t matter， man！邊有人咁講架，中國賺到D外滙儲備，主要係成功銷出產品----點定義產品造得好與唔好呢？買唔買得出去先？

L的含意可能指高端產品吧，But，假如係高端產品，中國邊可以成為世界工廠？L不要大鄉里，近年中國出口產品非一邊倒低端產品。據資料，中國電信設備、汽車零部件、軟體和船舶的出口自2005年以來已增長了30%到150%之間(唔係十幾年來都咁渣)。2012年中國出口共20,489億美元，機電產品佔11,794億美元(57%)，而服裝、紡織品、鞋類、傢俱、塑膠製品、箱包和玩具等7大類勞動密集型產品合計出口僅佔4,188億美元(20%)，OK？


(4)

umming

[中國輸出資源的謬誤]

●L對中國出口似乎完全不知西東，九吹，轉去﹕「中國沒有製造好嘢，賺外滙係靠中國輸出資源---例如烯土」----此番話嚇得我幾乎從椅子掉下來，九吹程度遠超九吹燒。講俾L聽，中國係出咗名資源/原材料輸入國，而非輸出國。不要大鄉里，中國烯土2、3萬美元左右一公噸，去年出口配額約為3萬噸左右，賺到9億美元外滙左右。查2012年中國新增外滙儲備為1300億美元(新低)，咁即係要輸出烯土144年之久，先至賺到呢筆外滙。

●唔好生安白造「零防衛」on中國輸出資源呢D名詞，據資料，大陸為了保護戰略資源，已從禁止外商公司開採到禁止外商進入，現在的漏洞是非法開採及非法輸出。就算非法輸出數目不菲(約萬噸)，但非法收入又點入到貿易盈餘呢條數呀？

[平價勞動力]

●L說第二樣嘢﹕「用平價勞動力賺Ｄ外滙儲備返黎」----講乜Ｑ嘢？外滙儲備係錢，錢即係錢，唔通用平價勞動力，D外滙儲備會變質？全世界新興國家都會利用人口紅利來增加產值的啦！


(5)

umming

[偏低滙率賺外滙儲備的謬誤]

●L說第三樣嘢(專指中國)﹕「用人為的偏低滙率賺D外滙儲備返黎」----what the hell？呢Ｄ好似係國與國之間的滙率戰，而不是錢不是錢的問題吧，兩碼子事啊。近三四年美國迫人民幣昇值近20%，外滙儲備(對美元)帳面上減少六七千億美元。這是國際間貨幣博弈遊戲，但無損於中國仲擁有三萬幾億美元的事實，L想話呢三萬幾億唔係錢黎？

●L又elaborate﹕「(中國)用偏低滙率令人民幣偏低，令到在國內的嘢(產品)好似好平，賺到Ｄ外滙返黎…」-----又係九竹咁亂。第一，滙率主要係對外的，這是common sense，國內一般物價不受影響的。

●紙水低固然不會影響物價。就算「低滙率令人民幣偏低，令到在國內的嘢(產品)好似好平」，又點會「賺到Ｄ外滙返黎…」呢？呢兩句令我搲爆頭，高山滚鼓至極。之咁，滙率會賺到紙面上的差價，咁唔係叫「賺到Ｄ外滙返黎…」，外國入貨始終要找數付錢的。滙同價係兩個不同概念。比方，中國2000年出貨100萬￥，收回80萬美金。2012年出貨100萬￥，只收回60萬美金，但帳面上她仍收入100萬￥。但當對外找數時(動用外滙儲備)，就要用120萬￥兌換80萬美金。L錯將賺滙(以前)當成賺貨價。

事實上，以前中國低滙水，但外滙儲備總額仍未龐大，無咁傷。但2012年後，滙率升，出口重傷之餘，龐大的外滙儲備總額無咗一橛，中國嘔突六七千億美元。廿年前，美國就係咁整瓜日本者。

(6)

umming

[外滙儲備只不過是籌碼]

●L繼續吹，話「上述三樣嘢(產品低瑞(唔好) 、平價勞動力、匯率低)都是不健康的嘢，但中國為了增加外滙儲備，不停的一萬億、二萬億咁增加…」

----L係咪亂了套？概念混亂？外滙儲備只不過是生產總值的其中籌碼而已，L是反對高增長本身抑或反對hold住呢D籌碼呢？Besides，上述三樣嘢和高增長是冇必然關係的。例如，中國產品已開始轉形，勞動力已不平價﹔人民幣已升值20%，但外滙儲備照樣增加，因為GDP增加。

●L想講乜嘢？---中共不應hold住咁多外滙儲備，讓中國的金融風暴"成功地"發生？匯率低係不健康？

●至於L說的什麼「上述三樣嘢的犧牲….」，是老掉大牙的踩共調調，可不理。Btw，不要大鄉里，外滙儲備在國際間冇話值唔值錢的，錢即係錢，除非美日歐盟等國一夕間滅國。

(7)

umming

[國家hold住咁多外滙儲備不安全?]

●L話亞洲各國(又跳去各國了)hold住咁多外滙儲備，面對金融風暴，未必會安全----即係點？唔hold住咁多外滙儲備，先至安全？come on，"外滙儲備得來之不馨香"Vs."用個錢防身"是兩個不同的命題，OK?

●L又跳返去中國，祭起踩共經，說﹕「假如人民幣要眨值了﹔人工要加了﹔烯土冇得掘了…，就....」---都幾吹九漲，第一，目前人民幣要頂住的是升值而不是眨值，日本求眨值幾乎要出術，L係咪講錯咗？

●第二，目前大陸業界的problem是人工早已加了(L仲講假如) 。於中國經濟來說，人工加了是好事，因為會增加內需。問題是代價有多大，比如出口會唔會瓜柴。目前中國GDP增長的遠景冇靠哂出口增長呢一瓣(注意，係增長，目前中國的出口底子很厚) ，重點係就業，中國整個製造業要轉型，或西移。

●第三，烯土的問題，如前述，是錯誤的。

(8)

umming

[外滙儲備Vs.貿易盈餘的謬論]

●  L跟住用一個好倫大鑊的邏輯來推演﹕「中國十幾年來都做唔到好的產品，賺唔到好的外滙儲備(L心目中的錢有分好唔好的，中國個三萬幾億大概唔係錢黎)」，「貿易盈餘(Ｌ所說的current account service ) 佔GDP比例低」，「容易俾人狙擊」…。.        

●L又跳返去亞洲各國，以証實上述推演:「1997年時，索羅C見你的current account service於GDP中比例咁細，味趙你囉. 趙你的匯率」---這裡陳述有誤，當時，泰國貿易盈餘(Ｌ所說的current account service)所謂實質經濟佔GDP低，是事實，但那是後來的事。實情是，泰國引入便宜錢炒高哂D貨，主要是房產，索羅C狙擊之。

●L竟然用呢個背景來陳述現今中國金融風暴的可能性，仲拉出匯率呢個因素，大檸樂﹕「假如下一Round金融風暴來臨，大噩們有權調返轉黎做，用匯率問題黎趙你的外滙儲備！咁先make sense喎」----以為佢講趙亞洲各國，點知係講中國﹕「假如你趙到中國外滙儲備十分之一，夠你食一百世！會不會用匯率制度(漏洞)黎食返你外滙儲備？而家人民幣的匯率真係千瘡百孔，假如我係索羅C，一定會咁部署...」---

●真係唔知佢講乜Ｑ嘢，基本上外滙儲備與匯率是同一本質的東西，不過不同層次而已，猶如賭資和賠法。「人民幣的匯率真係千瘡百孔」，匯率都會千瘡百孔的？頂冧九吹燒！但你話匯率制度有漏洞，勉強說得通，但是什麼制度漏洞？指放寬外滙管制嗎？那是另外一回事。匯率的平衡，完全是賣買的技巧，尤如睹博，冇人會用賠法去食咗D賭本的！唔好九噏當秘芨！

(9)