同後輩爭背書叻--闡釋蕭遙遊

umming

http://www.youtube.com/watch?v=GNdeE1jXXxA

同後輩爭背書叻--闡釋蕭遙遊
2013-06-02

條友有才子的一面，讀得書多，記性好。昨晚係迷網復播節目中，同後輩爭背書叻--闡釋蕭遙遊。為演嘢(記性好，要叻過肥仔趙)，一輪咀，但觀眾唔知佢講乜，其實是無修養的表現。鏡頭前的逞勇，偏偏同蕭遙遊的精神背道而馳，老年戒之在得呀。條友偽善之處，連自己都偽埋。讀書求明理，非僅為炫耀記性好，背書叻。

注：蕭遙是逍遊的食字吧，點解講到好似正字咁？又講到咁複雜。金庸小說中好多逍遊人物及逍遊派。
6001

umming

佢講封建，就唔係修養問題而係錯誤了。當時肥仔趙引用錢穆的封建=殖民地，己經有點以偏蓋全。條友仲話魏晋南北朝係封建(狀態)的表徵，令人O哂咀。

三尺孩童都知道，封建一refer to歷史制度："始於前11世紀的西周封建，在前3世紀秦朝建立以後，漸為中央集權制所取代"，相對的是郡縣制。魏晋南北朝是封建制？那一個王被封而建了？據資料，晋朝的封王鎮守某地和西周時的封建有所不同，沒有打破中央集權制。(明朝的王是食邑，冇行政權力的)腦燒講的南北朝莊園制度，貌似封建制度(尤其是歐洲式的)，其實係社會經濟結構層面，非政治制度層面。

封建一refer to 封建社會，指封建制度下的社會環境。一refer to封建思想，比喻守舊陳腐的思想意識。而家香港地大把人有，比如，兩個老豆鬥後輩自己又分裂，都有這種殘緒思想。

umming

有網友質疑佢係馬克思主義者，對呢Ｄ咁On9問題，基本上可以不理，但佢又提出嚟。假如佢認真地面對及進行思辯，這是一條有趣的問題，點解一個反共反到上天花板的人，一個號稱大右派(經濟主張--現在不是了)的人，會俾信徒質疑係馬克思主義者呢？點知條友問非所答，扯去馬克思的奴隸社會，條友有Ｄ散散地。

想開一個知識形網台，吓吓Tag去知識，但又拿來主義，粗枝大葉。真替他難過，何不直接去大學教吓書？Ｄ靚仔易呃Ｄ。

umming

StraussBrahms

佢年紀大讀得書多說話流利,做節目有火有立場,I'll give him that,但經常自詡的邏輯力同客觀真係不敢恭維
講起釣魚台,我還好記得倭寇購島唱雙簧,澳洲有條專家之類物體話中國唔會俾倭右得逞,會讓寇王國有化,就心諗邊有咁白痴,唔出聲直接送俾人,燒神就跟住講事件會平息...好似隔一日習近平就開炮,眾多英文報紙大大隻字Farce。其時,一時話釣魚台荒島唔好爭一時又話為石油爭;一時話航母無用會被彈道導彈打一時又話彈道導彈打唔到航母,好心睇定些先,洗唔洗咁。台灣/美國總統選舉我都睇得準過佢,好多旁枝末節都記唔清,如你前述佢會忽略好多factor,主觀到爆
你為何覺得燒神經濟主張現在不是大右派?我覺得是,有陣子曾大讚新自由主義(其實佢似無政府資本主義多)列根甚至尼克遜,我唔明大舊慢必點同蕭劉同黨。不過最後幾個月好少聽,佢轉左性咩?

umming

係，我同意StraussBrahms所說，我補充一下。To be fair，腦燒不止說話流利，而是舌粲蓮花，有高度說服力even煽動性，是優秀的口水佬(此技能養活他半輩子，腦燒並不懂寫嘢)。腦燒唔係「年紀大讀得書多」，而係後生時睇得書多，年紀大反而疏懶，基本上睇下大概就上鏡噏嘢。但不能不讚佢聰明，理解力好高---相對投入時間。

第二，佢係睇得書多，唔係讀得書多，呢一點好多人講過。佢自稱為書生，係搞笑的。但佢記性好，萬中無一(但電腦時代，這一個優勢漸失)。人聰明，追求知識心旺盛(由於好勝)，對事物有看法有見解(錯對先不論)。但佢從來不是學術底的(教主品格一樣仆街，但是學術底比較厚)，但口口聲聲講academic honest，是搞笑。佢有時基本上唔知D嘢係乜冬冬，都可以斬釘截鐵咁亂講，所以有人叫他做賣藥佬。

umming

正如StraussBrahms所講，腦燒「自詡的邏輯力同客觀真係不敢恭維」。記得，他在競選單張上說自己「擅長公共知識份子」，笑死人，明明是低級政客，怎能自詡為公共知識份子？基本上，公共知識份子和政客是相反詞。公共知識份子是人家評價的，不能自封的。擅長？連用語都錯。

他多番不斷地嘲笑別人學歷低---巖格來說，是嘲笑別人沒進港大---但(當年)港大歴史系(學士)，也不是很了不起的學歷(而家直情無乜人讀)，更不要說從未見過此人這方面的文章了(遑論論文)---別人代筆的如《香港的命運》不算。嘲笑別人學歷低，有沒有留意到自己的兒子未讀完大學？拍揚說過，人的基本責任，是讓子女受教育不低於自己的，社會才會進步。此人膚淺而狹獈的港大優越感無可藥救。係人都知道，一個人的教育同他成年後的修養及表現，是沒有必然關係的。在他眼中，未讀過大學的長毛，是個雜工，殊不知長毛的政治見解及社會見解修養，遠高於此人。

呢條友以為自己讀過港大歴史系，就會是一個歴史學家。其實，他的隨口噏的歴史「知識」，很多是錯誤的。他現在大張旗鼓舉地辦教學台/節目，據說他自己會將中國歴史講一遍。有人指出，歴史學術修養同教育功效，係兩回事。有人指出，有冇必要向中小學生炫耀自己歴史學術修養？又或者，他認為所有中小學歴史教材都是不合格的？要由他來匡正？不如學下查良庸退休後寫寫《袁崇煥傳》(再去讀書就無謂嘞)；學下柏揚去寫什麽《柏楊版資治通鑑》啦(柏楊寫得好差)。

umming

StraussBrahms

你都好野記得咁多分析咁深入,我就記唔到咁多,現在愈來愈多人鍾意補習天王式自夸自讚,我都好討厭。佢如此虛浮執著,單係佢非常無品地唱某女性花名如何對得逍遙二字,可知佢有多不自量,修養都不知從何談起。
記起一件事,蔡瀾的一個飲食節目,去一個道教食堂叫左成檯菜餚,係一個唔知咩會長面前,就開始話齋雞齋鴨低水平,上一碟假肉就數一碟低水平退桌,後蔡就問會長為何要做齋肉?會長就答讓些食素的人吃,蔡又問道教沒戒肉,會長就答食素為修心,為不破戒又可滿足口腹之慾而食齋肉,蔡好像沒有打爛沙盆問到篤,只在道教戒律上打轉,而會長始終唔明為修心食素又吃齋肉的矛盾,名副其實不僧不俗。
其時我真有感覺開左竅,估唔到睇電視可以咁震撼,仲同朋友拗左一陣。皆因我直程係佛堂食過齋肉(陪人,我無神論),卻未想過是如此荒唐,在道觀就更顯虛偽。蔡如此酒色財氣,但其心性明理比現在的所謂出家人高。遑論燒神教主,常常講到如何清高,只會尋章摘句神嘩鬼叫,假和尚假道士修心不修口戒色不戒淫,但都比無可無不可既人高。

umming

引用:
原帖由 StraussBrahms 於 2013-6-3 02:03 PM 發表
你為何覺得燒神經濟主張現在不是大右派?<<
...


討論燒神係咪大右派，其實是無意義的，他基本上是無乜原則性的。他懷有文化人、商人、媒體撈家以及政客的各種成份，無可能原則得起來。大右派這裡指經濟主張及社會政策主張，其中，燒神對(香港)社會政策無一套完整看法的。他在咪前吹噓的，多是經濟主張/經濟理論，儼若經濟專家。

早年，人們以為他是右派思想，嗌咗多年反對最低工資，仲引雷鼎鳴作奧援，結果咪服從人力的主張。就兩年前他全力反對全民退保，講得甚有說服力的，近來已粒聲唔出。他自詡為「派錢之父」，我搲爆頭，派錢是那門子右派主張？基本上，呢班人係撈家，臨老激進，群埋另一個由右派轉為左派(或扮)的顛狗，再伙拍一班左派友(社民連)，肚滿腸肥，卻扮作苦力堆，是香港政壇怪現像。

umming

引用:
原帖由 StraussBrahms 於 2013-6-4 03:54 PM 發表
現在愈來愈多人鍾意補習天王式自夸自讚,我都好討厭。佢如此虛浮執著,單係佢非常無品地唱某女性花名如何對得逍遙二字 ...

係三樣嘢。佢出咗名認屎認屁，「嬰兒賽跑冠軍」。最興認叻「發明」創作橋：話編劇技巧中的「suprise」等係佢「發明」的；話TVB的「狂潮」中的復仇橋是抄他的，因為香港長篇劇中的復仇橋，是他「發明」的，云云(陳韻文嘔血)。新近俾信報訪問，繼續認屎認屁，話自己首創香港長篇劇中每天連續播(「變色龍」)，其實之前的十年前TVB已首播每天連續劇《夢斷情天》(1969，每周四天)，之後TVB已推出多齣每天連續劇。有人話此種無謂的認屎認屁，近乎變態。近作係，話係自己首先叫大陸人患斯德哥爾摩症候群的，嘿！會唔會係咁，佢都有咁諗過，就當是自己「發明」的。

「非常無品地唱某女性花名」---有人話，也是一種近乎變態式以性作含意的唱衰人，十分無品，而且唱咗兩三年。前一陣子籌款俾伙計M仔去叫雞以印証性取向，又戲謔M仔可能是連環殺手，也是這一種。貪口爽過了頭，咁做節目有Ｄ過份。(但伙計M仔咪一樣做落去)

「如何對得逍遙二字」---完全搭不上邊。佢同教主都係一担担，口是心非到暈，最得意的地方係呢兩條友自己唔知的，此是戲劇性所在，鏡頭前不斷獻世(他們則以為自己在救世)。