老消無厘頭屈《一九四二》票房失敗

william.c

老消無厘頭屈《一九四二》票房失敗

朋友見我成日淨講大題目，走嚟插咀，話老消成日講大話，唔止唱歌走音咁簡單。朋友睇到#700老消擘大眼講大話的貼文，話真係有D驚訝。D擦鞋仔唔敢提醒佢，風消消免不了會成為講大話大全節目。

朋友話，老消呢兩期猛講大陸片《一九四二》，又實牙實齒作嘢，話幕後預《一九四二》收八億銀，結果開晝唔掂，云云。首先，八億銀係天文數字。紀錄上，大陸上晝過六億元的只有兩部，過五億元的只有三部。老消信口開河屈人地預收八億銀，然後踩之，唔知為乜。

老消又實牙實齒話第二周《Pi》打低《一》片，好似好慶幸《一》片的失敗咁。朋友話，聽到一舊雲。係大陸，西片打低唐片，係好平常的事，係節目中，毋須強調的。

更仆街的是，老消擘大眼講大話，《Pi》和《一》並不是同時上映。《Pi》比《一》片早一周上映，第二周累積票房當然高過第一周的《一》片。再睇真D，《一》片開畫票房(4天)竟然高過《Pi》：《一》片首4天收1.33億(人民幣)，而《Pi》首4天僅收1.01億(人民幣)，咁邊個嬴邊個？

不過《Pi》第二個七天收1.69億，累收2.70億，走勢上昇中(由首周的五萬幾場加至九萬幾場)，但咁都冇理由屈《一》片被《Pi》打低呀？《一》片應該同大陸賣座片比較至啱，或同上映緊的《寒戰》比較(《寒戰》累收2.45億，算係掂)。可見老消真係無厘頭，係節目中無嘢好講，仲扮消息專家。

朋友話，《一》片首4天收1.33億(人民幣)，係大賣。朋友話，唔明老消點解唔調查吓票房先再講，佢嘅發言crediablity越來越低。朋友話，老消預言《一》片埋單可能僅收五億幾，唔掂咁話。朋友話，真係蕭都俾佢吹攣，假如收五億幾，係大賣呀。朋友話，老消唔識嘢，應該閉咀。

*內地票房排行榜
http://www.cinema.com.cn/trans.aspx?id=5122