與Tofabov拍磚吵架(1)：「速報：威獅今晚或現身灣仔」

william.c

本帖最後由 william.c 於 2012-10-29 18:11 編輯

●之前絕無意參加網聚。開玩笑，有200人參加，我william.c想係200人面前演說，所以才報名參加？Tofabov算係老網友，都不知我一向脾性，令人遺憾。我說了多次，我是那種不想別人注意的人，有人讚我都未必likey。網上發文for自己own fun，慎獨、不卑不亢是我的處世態度。唔係高竇，係懶，怕應酬，OK?我係中意發議論，但對住無謂人，懶得開口。

●我是無名之輩，同公眾從來冇connetion(後生時除外)，仲想露一手？for what?我咁嘅年紀，更加唔care別人點睇我。Ｑ仔共產黨上咗身啫，我唔係，我一直睇唔起群眾----朋友唔係群眾。但與人交際時不會以老賣老，不會唔聽人講嘢，不會講自己舊屎(有人問我除外)，我成日吊九老消呢一樣嘢，自己唔會犯嘅。Tofabov唔知有冇睇錯，我真係無「我諗佢見人多（佢誤會），佢有話要演說」噃，屈得莫明其妙。

william.c

● Tofabov寫大咗，亂噏廿四，不存在以下情況：
『消息來源話，原來佢老花眼睇過籠，錯把「位位＄200」（餐費）當「200位」（參與者），
誤以為有大舞台讓佢開研討班，高談網台經營之道。
主持點醒佢原來係十兜八兜友聯誼，話佢要搞布道會 不如去搵佢老友 蕭老元。
這時要退，為時已晚，缺席者會入跌桔黑名單。』

所謂「消息來源」，咪係源於我寫的幾貼，但Tofabov無理由加鹽加醋生安白造的。我當初明明係唔想參加，認睇錯＄200=200位(#7)，之後亦話唔想參加，並陳述理由(#9)，最後才back up join。Tofabov點會睇成「william.c見人少，無」(潛台詞)，但「這時要退，為時已晚，缺席者會入跌桔黑名單…」，真係蕭都俾佢吹攣。我最後參加就因為由於人少呀！(召集人有户口，你當件事就PM俾佢問下，唔使自己呃自己。facts唔能夠當吹水)

>>這時要退，為時已晚，缺席者會入跌桔黑名單。』<<
真好笑，我怕乜入黑名單？我自己都有十幾個dZ！有人作古作到傻咗，邊有DAY-1，DAY-2去報名架(圍內人除外)，ok，你就當我DAY-2報咗名，我會唔會衰到見人少，DAY-3就想縮沙缺席，又怕入黑名單，你係肚裡蛔蟲？又寫我怕死終於出席，你唔使將我描寫成咁樣的齷齪小人係馬？

>>誤以為有大舞台讓佢開研討班<<
屈得就屈，攞命！(大哥，"讓佢"---唔使咁屈係馬)，屈召集人話我要搞布道會(宣傳？)。

召集人原文：
"william兄講既形式應該係Seminar
呢d大野都係留返你認識幾十年既老友蕭生搞啦...."

召集人無話"你william.c想搞的Seminar"或"你william.c想主持的Seminar"，召集人傻咗咩，會學你咁屈人咩？

william.c

●Tofabov生安白造，不存在以下情況：
『佢老江湖對接觸過嘅野總會有心得（吹得兩嘴的同義詞，）我諗佢見人多（佢誤會），佢有話要演說』。

我原文如下：『無計，小弟雖然不喜應酬，有幾十年安排場面的經驗(不要誤會，不是工作經驗)慣咗咁嘅思維。』----是指meeting arrangement，Tofabov生安白造，屈我對「接觸過嘅野總會有心得」=吹得兩嘴，屈我『我諗佢見人多（佢誤會），佢有話要演說。』，對住成班網台人，我憑乜嘢憑乜身份可作專題演說呀？

●實情如下：召集人吹雞網聚，我發文，係討論200人+有主題的網聚應該點run，而唔係我william.c流口水(想去演說)，OK?召集人見我發文但不報名，回文激將，並PM我進行拉壠，後來通過一次電話。我後來參加，緣於召集人的盛意拳拳，本人有吃軟不吃硬的脾性。我和召集人在網上認識凡數年(但無對談過)，食飱飯使死咩！講開，召集人幕後做嘢搶灘，幕前講嘢不搶table，有D風範。

william.c

●Tofabov有一句講得好過份，可能無心，但客觀上產生扭曲事實、誅心之論、無必要的挑撥離間的效果，他說：

『不過，威獅就是缺席，以佢名氣，諒主持也不敢家法侍候。
你黑名單佢，你唔怕佢「長期斷斷續續評論」你壇呀。』

Tofabov，你可唔可以舉出一個我william.c評論/抨斥過(超過三輪)的網友？遑論「長期斷斷續續」了，遑論對一個版主了？Tofabov，你先搞亂事實，生安白造我報名的用心，再生安白造描寫我進退失據，再生安白造描寫我就算賴貓，版主/召集人都唔敢郁我，再而汚蔑我係一個會利用筆桿作報復的人…，過了點吧？

william.c

●大哥，你xxxxx咗呀？我william.c/馬友農是出了名的「不搭訕派」，不會不答人，但絕大多數不會理會人。而惡意攻擊我者，我直情當無事，當佢無到。我相當尊重版主權威的(Tofabov有冇睇到我香討欄長期向下的手指？)，我從未向網管及版主反駁過一次。Tofabov講到我咁心胸狹窄，為小事睚眥必報，真係蕭都俾佢吹攣。

又及，對郁消及激進派「長期斷斷續續評論」，the ground係：郁消及激進派俱是我感興趣的公眾領域嘢，我無講過佢地私人嘢。

(ps，有人腦袋是xxx，人網因是一人主宰的網，而且是政治工具，人們才會這樣鋤人網。大哥，香討壇唔係該版主的，而且，我點可能去攻擊到一個大討論區呀？睇返，舊咬台萬象版殺版後，我勁鋤之，但事後你有冇見到我再提咬台&萬象版？不要以小人之心度君子之腹好唔好？)

william.c

●唔知Tofabov xxx咗，好似真係玩我，筆鋒一轉，佢咁寫(#5)：
『話威獅想演說，係我老屈佢㗎嗟。
人到中年（老年尤甚），有啲閱歷，見有百零人圍聽吹水，
自然愛話當年我點點、阿邊個聽我講所以至有今日點點點。』

邊有人咁J架，自認生安白造屈我，咁又再屈落去？

william.c

●「呢啲，小半係我經驗之談」---你係咪xxx?「你嘅經驗」同「william.c係乜一個人」有乜關係呀？你不如估我係一個殺人犯仲好？有人xxx，揾我同老消比較，我偏偏是專吊九老消=認叻怪胎的人。我william.c是一個典型不提當年勇的人(固然我當年亦無乜勇)，我爆頭，唔知Tofabov點解咁寫我----將我寫成相反？

●『所以我諗只要有合適場合、開正佢認識嘅話題，佢都會演說癮發作卦。』
真係要講粗口：#x^#*#！點會標個「演說癮」出嚟？

注：以上文字是回應昨天(至#6)各貼，Tofabov後來補飛各貼(#7,#9)，我無暇細顧。

後注；吹水唔係咁吹法，唔係細路仔，貪得意，寫嘢要經大腦。不能揑造對方(被扭曲了)的品格，作亷價剝削，FOR吹水。不能做成了傷害，倒企求"我講笑啫，你不用那麽認真嘛"，冇真心傷害人，唔係大哂，OK?

william.c

斑馬

william兄，Tofabov講下笑啫，何必咁認真。