與Tofabov拍磚吵架(1)：「速報：威獅今晚或現身灣仔」

william.c

(以下轉貼自咬台萬象版)
http://www.ourdiscuss.com/bbs/fo ... &extra=page%3D8

「速報：威獅今晚或現身灣仔」 by Tofabov  2012-10-27


本帖最後由 Tofabov 於 2012-10-27 15:43 編輯


網上名嘴威獅（william.c）長期斷斷續續評論蕭老元黃老狗一神人一教主暨佢哋嘅俗惡集團，
文章長而不臭且可讀（我認為），就我所知，單咬壇就不乏他的捧場客（我是其一。）

我收到風，跌桔今晚（2012.10.27，拜六）網聚，威獅可能會盛裝出場。
時間 20:00～24:00，地點灣仔某食肆（只與會者得知），晚飯 AA制 位位＄200，
報名者至今有八人（連 威獅在內）之「多」。

素來自稱不群不黨、獨步一眾網壇嘅 威獅點解報名？
消息來源話，原來佢老花眼睇過籠，錯把「位位＄200」（餐費）當「200位」（參與者），
誤以為有大舞台讓佢開研討班，高談網台經營之道。
主持點醒佢原來係十兜八兜友聯誼，話佢要搞布道會 不如去搵佢老友 蕭老元。
這時要退，為時已晚，缺席者會入跌桔黑名單。
不過，威獅就是缺席，以佢名氣，諒主持也不敢家法侍候。
你黑名單佢，你唔怕佢「長期斷斷續續評論」你壇呀。
二五齋速報
11006
9006

william.c

上級者

威獅經營過網台咩？ 我想聽佢既經營之道

william.c

Tofabov

威獅冇經營過網台，佢亦冇話佢有。

係主持（跌桔網台版版主）誤導佢，叫人報名時，佢話網聚係為「
讓版友互相認識、分享經營網台心得…誠邀各網台代表、聽眾出席！」
威獅聽了，加上誤會有成 200人報名，以為聚會唔係「柴娃娃式的飯會，而似是一個討論會。」
威獅有聽網台節目（唔係點批評 老蕭苟噏），
佢老江湖對接觸過嘅野總會有心得（吹得兩嘴的同義詞，）我諗佢見人多（佢誤會），佢有話要演說。

william.c

上級者

佢想演說咩? 咬台幫佢搞囉, 有冇版友會參加?

william.c

Tofabov

話威獅想演說，係我老屈佢㗎嗟。
人到中年（老年尤甚），有啲閱歷，見有百零人圍聽吹水，
自然愛話當年我點點、阿邊個聽我講所以至有今日點點點。
呢啲，小半係我經驗之談  而最顯明例子，係網界牛皮王 蕭老元。
威獅話自己同 老蕭同輩兼曾同行，所以我諗只要有合適場合、開正佢認識嘅話題，佢都會演說癮發作卦。

就算咬台肯幫佢搞演說，睇怕佢都冇興趣，
咬台至強時節目都只得 30零人聽，離 威獅預期嘅 200人好遠好遠。

william.c

上級者

甚麼鬼, 咬台節目少極都冇可能只得三十個人聽

william.c

Tofabov

我呢塊速報，居然惹來他壇（跌桔）某心靈敏感人士（不敢說他心靈弱小）回應，話：「
真係日頭唔好講神，人家論壇就已經點名話要黎點相！標題：『速報：威獅今晚或現身灣仔』，所以話幾煩呀！
」
我帖文劈頭已話我係 威獅文章捧場客，威獅前在咬壇以筆名舊電影人出沒與我搭過嘴、應知我塊速報冇惡意，
那跌桔友讀後卻指我要「點相」，心靈太敏感了，用詞改為「一睹風采」才貼切。

冇論點都好，引來咬壇、跌桔 X-over，誠妙事也。

william.c

斑馬

跌市cut市嗰個人太敏感啦

william.c

Tofabov

我話「一睹風采」（指威獅的），實係貫徹我呢塊速報嘅風格：
實話與苟噏共冶一爐，旨在吹水，為這壇添隻主流話題以外的象。

我係 威獅文章捧場客，係實話實說。
威獅時有獨到見解，我奉「兼聽未必明，偏聽肯定暗」宗旨，見威獅文必讀——時而細讀時而略讀。
我話一睹風采，則是苟噏。
「風采」，我從來取這釋義：風度、神采，多指美好的舉止態度（其他釋義於此是外話，不論。）
威獅人如「其名」，好耍威、惡似獅，唔係我杯茶；惡人，不睹（賭）是贏錢！
「好耍威」，可能連佢亦不自知；「惡似獅」則唔到佢否認，
尋常討論，郁吓話搭嘴者「On99」噴到人一面屁，路人皆見（剛見佢又噴人。）

評論威獅，我係以人論人、以事論事，絕不含私人恩怨。我試過同佢有不同意見，但從未畀佢噴過一面屁。
都係嗰句，論威獅，我旨在吹水添隻象。

william.c

斑馬

唉！其實惡獅都算惡人中的善者，論壇很多人一回帖已經用笑理腦懵等名詞。