「廖輝系統」(補述)

william.c

(3)其實上周我想講的是，沒有「廖輝系統」以至「廖輝系統主導香港事務」這回事，但聽到索B似層層，好有紋路咁，一時不察，話好掂----這一部份我下面再詳細說說。

而R台主持人C話係「中共派系路線圖」，用詞不準確，應是「中共派系脈絡(圖)」(含歴史因素)或「中共派系網絡(圖)」(currently關係)。 a中共派系，絕對存在(看點界別)，索B上周講的，係the中共派系(太子黨、團派、江派)，如前述，不準確。

http://www.ragazine.com.hk/index.php/programmes/iradio-ceremony
4002a

william.c

廖暉是二世祖技術官僚

----睇真Ｄ，港澳辦呢個衙門好奇怪，除咗魯平之外，似乎係一個專俾老屎忽打躉的衙門。你老味，34年來只得4個半主任(王光亞出任僅一年多)。

-----索B睇到廖暉好大，好有影響力，甚至有「廖暉糸統」咁話，搞錯晒。廖暉百分百是籍祖蔭、父蔭的二世祖官僚，非黨官，也非有能力的技術官僚。雖然是六屆中委(1982年始)，但從未進入過中共中央權力圈，中央俾面佢祖先啫(廖暉1983年任港澳辦任副主任時己升為中委，而今天王光亞任正主任仍是候補中委，可見中央明醒佢)。

-----暉叔出身軍人(18歲—41歲)，廖承志死後，才世襲式地進入僑務辦。你老味，41歲人仲轉行？打開仗識乜搞僑務？無非幫死鬼老豆keep住D海外linking。做咗十三年僑務辦阿頭，未聽過有乜海外影響力，轉去做港澳辦主任，分明係酬庸性質，以殘留廖家香火，因為前任魯平及周南已搞掂中英談判。香港順利回歸，97後有乜好做？暉叔如果係叻仔，早就参與中英談判及過渡事宜啦，即係話，在技術官僚層次看，暉叔都係跛嘅。   

-----僑務辦阿頭轉去做港澳辦主任，基本上是降級。十三年來，香港人有幾何聽到呢位阿叔出過聲(最威係2010臨尾五區公投一鑊)？呢位阿叔於香港有乜影嚮力？唔該話我知。廖暉係典形二世祖官僚，數饅頭過日子。索B話有「廖暉糸統」，話廖暉係曾慶紅支盲公竹，話廖暉係香港問題上有話語權(中央政策層面)，唔知嗡乜。

----基本上，2003年七一遊行之後，港澳辦及廖暉係孭大鑊(same as老董及中聯辦)。眾所周知，2003年七一遊行之後，中央不再相信此二衙門，N咁多條線的人(如國安)來港踩線，索B仲話廖暉係曾慶紅支盲公竹？廖暉資歴高過曾慶紅，又半世人躲係次級外交部門，素與曾慶紅無淵源(不同源不同門不同流不同派)，曾慶紅點會蘇呢Ｄ老屎忽呢？廖暉一生人只做過黨組書記，未做過黨委書記，基本上是個權力outsider，有乜Quli有乜能力俾老曾睇起呢？

----乜嘢叫做「廖暉糸統」？索B係咪搞錯咗？其實想講廖家系統on僑務係馬------廖仲凱、何香凝、廖夢醒、廖承志的影響力。那也只是「廖家源流」，非「廖暉糸統」吧！本來廖家僑務辦head住港澳辦的，廖承志(廣東幫)一死，港澳辦和香港新華社成江蘇佬天下(姬鵬飛、許家屯)。之後，咁多年來，廖暉有乜建樹？「糸統」在那裡？廖暉落過嚟香港未？廖暉有乜嘢馬仔？