究竟邊個民粹(2)
(2) 湯家樺白馬黑七,說:『我明白到港人對政制停滯、普選無期是極之不滿。但政治制度認受性瀕臨崩潰,正是民粹主義抬頭的溫床。公社兩黨倡議公投,何秀蘭推崇「直接民主」,這些都是民粹主義的基本意識形態』。
「未能雙普選」同「政治制度認受性瀕臨崩潰」是兩回事,同時,激進派維園抗爭駡人未達致「政治制度認受性瀕臨崩潰」—民主黨九子仍在位噃。那是黨爭,不是民粹主義抬頭,OK?難道湯家樺講公投派不認同建制?喂,公民黨亦係公投派噃,湯家樺嗡乜?
公社兩黨倡議公投,何秀蘭推崇「直接民主」都不是民粹主義的基本意識形態,怪不得老Siu在節目上(16/07) 鬧湯家樺唔知乜嘢叫做民粹主義。
公投前面講過,「直接民主」定義仲鬧搞,連毓民都錯誤地大喊過「用直接民主代替間接民主」,Mr義和團友近文知516之後亦大喊過:香港進入直接民主時代,笑到我碌地!
直接民主/公投係去飲,代議士亦係由直接民主產生,而代議政制則是家常便飯!明未?之咁,大哥,唔能夠日日去飲嫁。大陸家常便飯都末掂,怕受影響,唔準香港去飲。
直接民主/公投本身係一種制度,多國在探用,不是民粹主義的基本意識形態。甚至,民粹主義在學術上仍未固定的定義,遑論「基本意識形態」,大口樺真是盲頭烏蠅。 |