找回密碼
 立即註冊
從消氏集團發出的訊息看,《3D肉x團》未上畫,就已取得了成功。我去年8月初評《肉》片,大頭蝦,只從工業角度以production論production。對比自己從影經驗,質疑《肉》片的商業可行性。從產品角度,探討消氏本人以外行程度賣弄內行---專指導演這一瓣。當時懶叻,仲set咗個論述前提:

「Case study:"對--行內人老細扮導演外行地製作三級片企圖用3D達致成功---both叫好及叫座---的觀察"」


當時在香討口沬橫飛,寫咗一大輪,忽然諗起可能阻人揾米,即stop。過咗個幾月,經不起本版的呼喚,將舊貼移來此版發表。後知後覺的我,當時敲下google,才知《肉》片和股票集資有關,且和英x有關,那就不宜再說三道四了。

當時本人以舊影痴心態唔抵得有人扮導演& etc.,認屎認屁。但後來成彈嘢原來係為咗集資(又賣座當然最好) ,認屎認屁先至係主要effort,咁你舊電影人猛彈人認屎認屁,豈不是傻佬一名?

(1)

分享至 : QQ空间
收藏
INSAFE System
關閉

43 個回復

倒序瀏覽
現今資又集咗億幾,埠又賣咗七成(據稱),試映又得到好評,又唔關英x事,可以再嗲下了。

平情而論,消氏多年翻手為雲覆手為雨的温食招,以這一次《3D肉x團》project最為成功。套片就算屎到痺,而家仲開緊紅盤,針對大陸佬是對的。電影係先講入場慾,再講口碑。之前叫宣傳,宣傳for集資&入場慾,人網孭重飛。如果套片屎到痺,都可以先殺第一周票房。以消氏集團的吹水作風,都可以話大勝!

《3D肉x團》project收割成果分四方面:集資(雖然不是good水) 、賣埠(號稱賣了七成)、本地票房、名氣(有利於玩下一鑊) 。

(2)
回復 使用道具 舉報
似乎要先了解消氏的特性,才能分析到《肉》片project的始末。

消氏:絕頂聰明(對比普通人) 、有才(主要是咀頭) 、任性好炫耀(多諗頭,事功,多搞作) ,少道德包袱(原則性薄弱,面皮厚、沙沙滾,思維上有痞氣、囗輕輕但似層層=大話精) 。

跟行內人chit chat過,一個人具有這些特性,加上面皮厚,可以說是無所不能行的(但非天下無敵) 。但斃咗一下就俾人睇穿,消氏的這種表現好浮淺。所以,往好的一面說,蕭氏唔係奸,而係率徃,即係我時常說的聰明傻佬。

事旦一個正常人,都唔會拎《肉》片去申請電影發展基金的,理由仲話係創意工業。逢係一個正常人都唔會話(公開講個隻):「我個劇本好正…」(老細不用sell橋的),「我個笑話好好笑…」(即講,無人笑),「我發明復仇橋」(TVB狂潮),「我發明傳奇片的」,「我發明六大編劇技巧…」(不如話發明空氣)、「我之前係無完整劇本的…」(一個大概未寫過完整劇本的人之言),「等我教大家拍古装片…」(一個未經歴過片塲的人之言)…。

係,這個人係靠認屎認屁/沙沙滾食糊,但恐佈的地方是,此君好像極相信自己說的話,咁就唔係沙沙滾咁簡單。由是,人網成班擦鞋仔被迫成為韋小寶。上周講拍「功夫BB」,此君笑到碌地,韋小寶們不敢提「點叫一個baby演員打功夫呀?」,齊齊反智。有條友勇敢,稍提「不如拍卡通片…?」,都被窒住。消氏往往帶動出這些醜陋塲面。(我懐疑阿陶睇穿咗其傻佬本質,消氏才記恨)

(3)
回復 使用道具 舉報
javaer

baby演員打功夫 佢好似話用特技 類似 The Curious Case of Benjamin Button
回復 使用道具 舉報
admin 管理員 2011-10-7 00:52:36
5#
事情吊詭在這個地方:有人認為其人沙沙滾/口輕輕/不實際,他自已認為自己是英明神武,那麼,客觀的事實又是什麼?沙沙滾乎?英明神武?我狹窄一D,之前只在拍攝《肉》片的技術層面上(作品、產品),質疑係唔係沙沙滾?

以實際效果論:(1)是影片的作品、產品、商品三項價值。(2)集資的價值。

前一項無人知,是大龍鳳否?是沙沙滾否?上畫後就知。前一項造就第二項。資金之能被collect,係買個預期:「消氏父子在香港用3D拍咸片賺硬5千萬,用中國+3D+數碼+娛樂,仲更加掂!」。供股書則說:「將用作3D影片製作業務及在香港或中國收購影院…」,內行人講,都幾沙沙滾,抵死之處在於「或」字,可能即係話唔係…。

(4)
回復 使用道具 舉報
admin 管理員 2011-10-7 00:52:54
6#
內行人講,個「劇本」都算係咁,好過「變靚D」話去投資礦業,去邊處揾個礦坑俾人睇?而老消可能拍片有人信(行內人除外) ,供股書比消氏集團更離譜的,比比皆是。

稍有見識的人,都知消氏在股海的翻雲覆雨手段(據說好多小噩都係咁) 。稍讀股經,都知8078由英x處接手始(07/10),去年集資過三次,最後一次集資1.1億,但失敗(12/10)。斯時股價約為0.4元。

至過年前(02/01),折讓95%一供七,供股價0.015元,用貶低公仔紙去搶現金,都算賤(both指股價及人)。8078現股價為0.12元,比去年跌去近330%。然則,《3D肉x團》不是說賺硬5千萬麼?為什麼未反映在股票上?討論區話,8078做梗仙股。和毓民口中的「又賺億幾銀」,相映成趣!

(5)
回復 使用道具 舉報
admin 管理員 2011-10-7 00:53:10
7#
和大家說說5千萬的概念,中國3D 數碼娛樂前身英x年拍多部影片及製作,都年蝕幾千萬。中國3D 數碼2010下半年仲蝕2330萬,唔知算係Y氏蝕抑或消氏蝕?電影名導杜琪峯有間上市公司,亦係蝕本收場。

一部影片賺5千萬,票房要收幾多?全球計,以30%-35%分票房計(非毛利),減製作費2500萬,減其他成本(不計人網義工抬雷凱欣),大概要收2.7-3億港元至得---指全球上映票房。假如賣埠,條數另計。

賣埠分預賣(即賣片花,賣斷或上映分紅)及上映後賣,影片班底本身無歴績(即卡士或幕後人業績),賣埠不會高,咪當海外片商傻嘅,係人網迷,聞全球第一部3D色情片就會俾錢你。

假如香港上映後才賣,就有風險,如果係大公司,就可以博,因為一Set賣。

(6)
回復 使用道具 舉報
admin 管理員 2011-10-7 00:54:17
8#
《肉》似是用預賣方法,早前聽到消仔話《肉》賣咗七成(賺5千萬的根據),但令人到搲哂頭,第一,無人會公開爆賣埠成績的。此外,乜嘢叫七成?消仔露咗底,應該係賣咗幾多個埠?前提係3D咸片會有幾多個埠先?正確嚟講,係賣咗邊幾個埠?

講開,陶傑早前話《肉》片係主打日本埠,亦是外行人思維。難道日本禁拍3D咸片?難道日本要外銷轉內銷?好比,香港人會搶看鬼佬拍的有港星參與的功夫片?日本仔會fancy玉蒲團touch片?咪傻啦,去查下,港人拍過好多部玉蒲團咸片(有一部全港收三千多元票房),這款片己被拍爛。

係海外賣片會上受人注意,未必會賣到好價錢,海報就夠殺?有一點我好好奇,點放3D效果俾人睇?D片商點知全套影片係3D?所謂片花,唔會係俾哂錢先,行規係最後交片才收足。片主往往死係呢個環節,有不良片商往往用小小預付金封你賣盤,之後好多符fit。所以海外賣買片呢個渠道要講在行,當年《狐蝠》(Bang Bang)係個例子,鬼佬市場唔輕易買港產片的。陳可辛個種國際華語片,投資過億,卡士先行,主打大陸日本韓國東南亞。

消仔話《肉》片賣咗七成埠,恭喜佢囉!不過先幾集風也簫簫,簫氏話開試映會俾片商睇,賣咗七成埠,仲試乜再sell?更況且,消氏話有D效果仲未搞掂,嚇死人,是否如人網homerkey咁「永遠在搞緊」中?(注:homerkey已搞掂,這是比喻)

Any how,外人不知佢他搞乜鬼?總之,中國3D數碼娛樂年底公佈業績時,是賺是蝕,就知道。然而出口術也不可赤裸裸地淪為大話x的。

(7)
回復 使用道具 舉報
admin 管理員 2011-10-7 00:55:21
9#
kpwu2000

好濃烈的酸味!看過樓主之前寫《肉》片的文章,也大概了解樓主的背景!一件事有多個角度去看,總是一件好事!我承認《肉》片的走勢比我想像的更加好,加上CNN的吹捧,鬼佬價值主導的奧斯卡,真的不排除《肉》片會得個豬肉獎!“更況且,簫氏話有D效果仲未搞掂,嚇死人,是否如人網homerkey咁「永遠在搞緊」中?”樓主又不要這麼杞人憂天,《肉》片不能如期搞好的話,他會死無葬之地!希望樓主保持身心健康!
回復 使用道具 舉報
admin 管理員 2011-10-7 00:56:02
10#
kcso

《3D肉x團》未上畫,就已取得了成功,可以唔使上影收工去慶功,正!
回復 使用道具 舉報
12345下一頁
您需要登錄後才可以回帖 登錄 | 立即註冊