唔使客氣，我明gary原本的意思，係集益思廣的意思，但集完益都要有領導至得。

至於老細識唔識係主觀的問題。唔識仲好(最弊老簫係老行尊)，老細識俾錢就得，老細識用人就得。蕭生咪講過請個CEO的，梁錦祥咪得囉！梁錦祥請肯俾意見的Gary咪得囉(利益申報：兩個人我都唔識)，

簫生請一兩個高薪員工就得(23人要使多少錢，分散子彈)，唔使用埋堆思想，肯埋堆唔收錢未必work，唔好將盤生意當社民連。俾錢兼佢又中意玩的，就更好啦。唔擦鞋的但有料的亦要請。

唔使出錢請人刪文---唔使咁小氣，又唔係共產黨。或者請一兩條友，一朝scan check就搞掂，俾D造反貼文過下夜，MyRadio會冧咩？無妄的7-24是網警心態。

義務版主可以無限請，但不是做網管，無權干涉網管。版主的職責係炒興個場。佢當然有D特權及地位，另度。

(以上是意見，唔啱可以反鋤)

無妄
版主
引用:

唔使出錢請人刪文---唔使咁小氣，又唔係共產黨。或者請一兩條友，一朝scan check就搞掂，俾D造反貼文過下夜，MyRadio會冧咩？無妄的7-24是網警心態。

睇嚟由開始到而家你似乎都係誤解我意思, Mix up兩樣本質唔同嘅嘢 － 由Day 1開始時講, 網友之間有異見有火花係冇問題(包括意識形態分歧), 亦冇提過要刪佢哋文(Entitled as乞丐令人反感呢個問題都唔係第一日講, 就算佢哋而家喺主版通行無阻都應該改咗去, 免得又生誤會)
---------------------------------------------------

有問題嘅, 主要係Flooding(例如用一堆無意義回應去推舊文, 或者沒頭沒腦地出一大堆轉載, 前排接連發生, 唔知你有冇留意到) － 呢個問題無論有無積分制度都會存在, 只係有積分制的話情況會較嚴重. 版主唔可以刪帖, 唔可以改其他人嘅帖, 只能出PM勸籲Flood文者自行處理, 如果對方唔理就要請管理員代勞(至於管理員會只刪濫發回應, 扣分還是Ban人, 呢個亦係版主管唔到). 但而家情況就正係冇人去每個Sector都Scan一下, 部分分區索性由佢丟空. 而家有幾區就係咁 － 如果冇人Care嗰版的話, 倒不如索性取締, 省回資源, 開嚟做乜呢?

再者, 點解提7-24, 就係因為人網本身有唔少海外網友光顧, 當佢哋見到成版都變咗舊文轉貼文(正值香港人的夜深至清晨, 無人管地帶), 又會唔會有耐性等人家第二日先嚟攪掂呢? 還是樂觀地等佢哋自動沉底 / 自行手動推返啲新帖上去呢? － 當然, 如果你認為咁係冇問題的話, 我收回7-24呢個說法

積分至負分而不能主版發言, 係Framework至管理都不善之下消極地阻止洗版嘅方法, 但同時傷害言論自由, 變相文字獄, 之前講過多次, 唔尋氣再Rollback

最後問題返返去積分同扣分制(兩樣嘢嚟), 積分制存廢, 一個問題; 存在, 又用嚟做乜, 第二; 如果存在, 係咪可加可減, 第三; 由邊個加邊個減, 第四; 有冇客觀標準 / 評分通例, 第五; 有冇異議機制同點運用, 第六. 呢堆問號, 好快會有解答

至於論壇發言自由云云, 個人認為唔可能有外在底線或禁區去管束, 只要文責自付就得. 至於呢度管理員本身有冇言論底線, 如果有嗰條線又去到邊, 已經超出我個人範圍之外, 不評論

草民
金牌會員

其實我都想問下, 究竟個論壇係咪仲叫討論區,
我見到好多 " 多謝分享" "thank for sharing" 既 post
好明顯係出面既人入到根本就唔知規矩,
而且唔係話set左20字限制咩, 點解d 人仲可以發幾字真言
管理層應該對這些行為作出回應, 應該如何對待呢d post,
否則變相鼓勵d人繼續thanks for sharing,
當正呢度係垃圾桶, 有帖就放落黎

扣分只會令資深會員受鈀, 至少好似白戶咁set哂規矩, 咁大家易做d金牌會員, 何足道矣

草民
金牌會員

以上既留言係一位網友所發, 本來平日是不會察覺的, 因為大家是不會多看一眼的, 但幾個留言同時出現在時事區中, 引起我既興趣

為免搞針對, 所以無show 名, 純粹舉例子, 這位網友由四月中入黎,
其間留言是支持同多謝, 間中會有一兩句留言, 這類網友只能將網站流量提高, 而不能提升討論質素, 管理層應如何對待這些網友? 如果再沒有規矩, 這是變相鼓勵大家繼續當呢度係發帖垃圾筒

這網友由於今早忽然加把勁不斷出以上既留言, 最後俾管員扣左一半既灌水帖分數金牌會員, 何足道矣

引用:
原帖由 無妄 於 7-5-2008 02:26 發表

睇嚟由開始到而家你似乎都係誤解我意思, Mix up兩樣本質唔同嘅嘢 － 由Day 1開始時講, 網友之間有異見有火花係冇問題(包括意識形態分歧), 亦冇提過要刪佢哋文(Entitled as乞丐令人反感呢個問題都唔係第一日講, 就算佢 ...

--------------------------------------
無妄話我誤解佢見解，我則認為無妄將D問題搞亂哂。你要講本質就同你講本質。

立塲:---
●網友立塲
●人網管理者立塲


價值觀+管理學+施行權力問題:---
●網友立塲：要言論自由、除惡意漫罵、惡意人身攻擊，違犯版規外，不可刪文及停權。

●人網管理者立塲：(在言論自由這一點上)因為人網及MyRadio有政治立場，所以有封殺反對聲音的傾向，刪文及停權有逆我者刪取向。(現在收斂了)

(無妄始終避開這一點，但又不反駁，故此雞同鴨講，他對問題不誠懇)

◎無妄一直以「一般討論區」的情況來討論管理問題(如扣分制)，為「人網防礙言論自由」辧護--但又不敢碰人網有冇防礙言論自由，chickin！實在無意思。無妄一直為「一般討論區的一般管理方法」作解說，重覆多次，但又代表唔到人網，笨得要死。不是人網執行錯誤，而是其身不正，無妄卻去囉嗦執行問題。

◎who care 「一般管理方法」？人網中意點咪點囉，細路仔咩，還會去關心積分？我main point講緊「人網防礙言論自由的傾向」呀！無妄請你數一數幾多舊網友閤家鏟，數一數係自由講區幾多持反對聲音的網友被眨為乞兒？(現在收斂了)

無妄
版主

◎who care 「一般管理方法」？人網中意點咪點囉，細路仔咩，還會去關心積分？我main point講緊「人網防礙言論自由的傾向」呀！無妄請你數一數幾多舊網友閤家鏟，數一數係自由講區幾多持反對聲音的網友被眨為乞兒(現在收斂了)

其實想講呢步的話(見你重提多次, 大概意憤難平), 咁唔好意思, 你可以繼續, 因為我都唔希望人網行言禁誅心 － 不過你講海量Ban人之類, 應該係改版之前嘅事(Ban人者主要係香港人網呢個I.D.). 我記憶唔太好, 不過要抄返Posts睇來龍去脈重可以(資源回收區重有唔少喺度). 而現下呢種Ban人情況依我所見係少咗好多(以前凡係鬧蕭生, 黃教授, 譚博士等主持或者人網管理員版主等好多時有理冇理都會鎖帖刪帳號, 而家管理員多咗, 少咗呢種專斷發生)

乞丐問題重講咗多次係大可商榷, 我希望閣下細心睇返. 上述亦講咗用扣分 / 積分制一道閘門去處理兩個問題(洗版 / 異見)係唔可行, 見而家倒瀉籮蟹就知. 所以係需要多啲人手 / 時間去睇 － 唔好會錯意, 唔係要佢哋監控言論做手動Filter, 而係處理Flooding呢類問題(你冇提過呢類問題, 或者你覺得Minor)

至於唔Care積分制云云, 我希望純粹係閣下嘅觀感 － 客觀事實係, 推出積分制初期, 已經有唔少人擔憂洗版問題(網政區好多相關帖文), 而接落嚟一段時間就出現有會員大幅度於主版洗版行為(其時剛好加設自由講), 後來因為版主同管理員(嗰時冇而家咁多版, 而且主要Focus on金融)落手處理先大有減少, 呢個還望閣下注意

●網友立塲：要言論自由、除惡意漫罵、惡意人身攻擊，違犯版規外，不可刪文及停權。

嚴格嚟講, 自由講(原本講係畀未註冊者都可以發言, 而家變咗乞丐集中營)原本唔係必需設立, 而變成集中營係接到投訴後加咗負分制以後嘅事. 而家Cancel返負分禁言, 所以你係會見到負分都可以喺主版來去自由. 如是者, 只要分級之類唔再顯示就冇問題

另外, 如果你講及網友立場(大概閣下也作如是想) － 實際情況又係, 而家無論喺新聞區同自由講都充斥閣下所言的謾罵與人身攻擊(非涉及意識形態之分, 而係你一句豬狗不如, 我一句問候家人), 基本上係無嚴格執行, 甚至係未曾執行過(警告都冇). 刪文? 沒有; 停權? 已廢止主版禁言. 下一步取締埋乞丐呢個Entitle, 基本上回復返原狀, 問題就不大

如果講到違反版規, 個人覺得係相當模糊. 版規用喺通例上係可以, 喺特例上係需要彈性處理 － 呢一點上, 人網確實係做得好曳

唔到切身問題就由得佢唔理(包括網友互相攻擊, 攻擊新聞人物之類), 一入肉嘅Issue(如涉及部分人物或立場)就執得太緊 － 呢種各持兩端, 係而家嘅真實情況(即便係停權亦有選擇性), 雖然閣下只提及其中一面, 但管理層以呢種標準處理問題, 固然係失諸公允

Timeline攪清楚, 問題分返開去睇, 脈絡會清晰好多

最後, 多謝你嘅意見同批評(雖然似乎我理解未夠透徹, 以至雞同鴨講, 抱歉之至)
呢個帖點出管理問題相當詳盡, 週一會Print原文出嚟喺聚會深入討論 － 希望接落嚟會繼續有呢類交流, 當然更希望係管理層深思熟慮, 從善如流

(續前)

◎至於灌水問題，係純技術問題，全世界討論區都係咁啦！無妄又唔係管理層，let it go！但將「對付灌水貼」同「人網有防礙言論自由的傾向從而縱容網民互鬥」撈埋來講，未免鬧搞。如要應付，直接講辧法，唔係用網警思維，一刀切，7-24刪文。

我話，無妄的：「為扣分制格招云云, 大概可以再睇一次啲回應. 自己都重申好多次呢個係雙刃劍. 除非有本事7/24Monitor曬所有版, 唔係好難杜絕滋事分子, 同異見但並非攪事者區隔開, 背後涉及好多考慮」(#14)，無妄無意中流露出一付專制心態，唔知乜野叫討論區文化。

◎灌水或精貼，根源在於網站主事人想點搞，假如是當初搞「人民要發聲，人人可當新聞報導員！」咁咪多D精貼囉。一開放鬼王討論區，咪一班靚仔入黎chit check囉。一開放美女貼圖區，咪有人在網上(宣稱)打飛機囉！(我有點shock，但不會反對)，就咁簡單。

(續前)

◎「我反對你的發言，但誓死保護你發言的權利」是言論自由原則。但假如班靚仔自由到令人網不能忍受，則可用私規管制之(如20字，但無用的)，但同維護言論自由原則，要分開來面對---例如差佬面對諷罵的金毛仔，無出手打人都唔能夠拉。

無妄同草民worry的是「諷罵」本身，我維護的是「容許諷罵的自由的原則」，寧縱勿枉。因為一旦政治化，威權者會用「諷罵=犯法」或「反對聲音=滋事份子」進行打擊，明未？

但我唔反對網站用私規控制「諷罵」。人網要應付灌水，諗計丫馬。唔係用「世界會冧下來」看待灌水(當然有橋，人網笨啫)。Btw，班靚仔入黎chit check，有乜問題？

◎無妄亦有將自由講區反對聲音(如一些大陸網民)和灌水者以及和滋事份子混為一談之虞(注意，我說之虞)。在網上，無人有權將對方打為滋事份子的，因為大家發言地位/人權地位是平等的---除非是網站管理者出手。但當網站管理者一旦視反對聲音者為滋事份子時(但自己不會承認)，它己介入角色。

無妄或者可以舉出一下「滋事份子」的實例，研究下。無妄甚至不是網站管理者，何不將人網在「執行言論自由的偏差」和「一般管理」的關係上，想通了才發言？

◎至於7-24，真是庸人自擾，人網又唔係大陸機關網，無妄又唔係當事人，何用這麽緊張？前面我將7-24問題refer to「反對聲音者/滋事份子」貼文，無妄這一貼回應係refer to灌水貼文，他說：

『點解提7-24, 就係因為人網本身有唔少海外網友光顧, 當佢哋見到成版都變咗舊文轉貼文(正值香港人的夜深至清晨, 無人管地帶), 又會唔會有耐性等人家第二日先嚟攪掂呢? 還是樂觀地等佢哋自動沉底 / 自行手動推返啲新帖上去呢? 』(#43)

◎真係莫明其妙！人網要咁周到，咁簫生請五十個人都唔掂！請問無妄那裡有「成版都變咗舊文轉貼文 」？你唔係指gary個一Pat係馬？喂，轉貼文無話係犯法噃！gary個一Pat都無刪啦 ！無妄講乜？