又評激進派
---激進派阿頭們

朋友一直追問為什麽停寫，我的理由只有一個：懶。另一個get tired的情況是，本人自七八年前就開始抨擊香港激進派阿頭們，先是長毛，後是兩個兩豆，喻激進派有義和團+撈之特色。至兩個老豆近今分裂，令人目定口呆之餘，兩派人馬互劈入骨之慘烈，令我這個反激派無用武之地。好似曾國荃兵臨南京城下，目睹太平天国諸王城中互斬，九帥唔知做D乜好。

迷網友聽我rega錄音(話熱血達論述好)，質疑我是否倒向郁人幫，令我啼笑皆非。我雖然get tired，仍有留意時政，仍認為，消、郁、雲、達等人俱是叻人，我沒有條件亦無必要打倒他們的政見(反對有之)，只在認知反智上、政客失德失言上(指政治上)，進行抨擊，以過筆癮。
1019a
6008

----黃郁人
[youtube]watch?v=SyjRGGoXThc&feature=share&list=PLj7XZwbM5ZLr0fVWpQOMB9iQm5pfFXBm0[/youtube]
http://www.youtube.com/watch?v=S ... VWpQOMB9iQm5pfFXBm0

Re:第一節11:00

「出中共糧，又要革命」！

郁消兩幫人駡戰慘烈，近日郁人駡起昔日坐係隔離個個陳大舊來。事緣大舊在報章上質疑郁人「出中共糧，又要革命」(大意)！郁人好似癲雞乸咁反駡：「我係人民選出來的呀！」，貌似理直氣壯，實是巧言令色之猶。

記得我七八年前駡長毛以馬克思主義者身份(馬革盟?)進入資本主義議會，核突到嘔---他辯稱仿如列寧進行議會改造/革命，云云，但不是社會革命。而郁人則自稱打倒港共政權打倒中共，自稱為革命者(以前話唔係)，去做議員，咁仲唔係又做妓女又要攞貞節牌仿？你有冇見拉登去參選美國議員咁搞笑的？---此說我講過多次，點知籠裡雞作犯，消氏大舊等竟反炒我言論攻擊郁人，世事真難料。

郁人唔好以為靑筋暴現、意正詞巖、聲色俱厲就等如有理。「我係人民選出來的呀」同「出中共糧」係完全無關宏旨的，郁人short咗。關鍵係你走去参選！即表示你主動走入建制。人民選到你係附和你走入建制的結果，你走入鳥籠同話拆鳥籠係兩回事，偏偏你係用話拆鳥籠呃到選票而入鳥籠的，糧照逗。主動去参選(而唔係掟菠蘿)係前提，同宣誓偷雞係無關係的。你宣誓偷雞就當自己係革命黨？咁撚搞笑？當然呢班激進派x弟入咗議會頂多掟下蕉拉下布咁，咁就當革咗命了---而家人力成班友仔直情公開轉為温和激進派添，另話。

逗中華人民共和國轄下特區的糧，是一個事實，點解郁人好似癲雞乸咁反駁呢？假定那三萬幾選民係革命人民，咁議員的糧始終由港共政權庫房所出，兩者有乜關係呢？郁人有乜好抝的？要陳大舊負乜言論上的政治責任呢？令我搲爆頭，唔知郁人講乜。

---唯獨陳大舊唔可以

但是，全世界的人都可以咁鬧郁人，唯獨陳大舊唔可以，因為他也是議員，而且更革命。睇我舊文的網友當會記得，五區公投時，我多次pin point陳大舊比郁人更革命，頻用孫中山口徑隊老共，「解放香港」就係呢條光頭懵佬大聲疾呼者。郁人在旁反而十分人鵪春。  

由於一向視此人為懵佬，不多重視此人的思想或理論，但今次春郁人「出中共糧，又要革命」(大意)，倒是是一個事實(我講咗兩三年)，此前陳某已有用律師信催還樓的反臉不認人招數，但都不及今次「出中共糧，又要革命」呢一招咁攞命。郁人嘗嘗噬臍莫及的滋味，世人也見識一下這班老師父義和團式傾軋的滑稽。陳某之反覆可見，及不顧自己也是個妓女的事實(比喻)，令人搖甩頭。

---郁人錯在扮拉登入議會只掟蕉                                                                                                                                                                
但話說回來，「出中共糧，又要革命」是絕無問題的，當年中共潛伏人員要唔要出國府的糧先，有乜問題？老毛都做過國民黨中宣部長啦。

一向以為郁人思維高人一等，對「出中共糧，又要革命」的攻擊應有所準備，豈知昔日親密戰友大舊斬來一刀，竟回以：「我係人民選出來的呀」，九不搭八，屎到痺！

郁人錯在扮拉登入議會只係掟蕉---有人話郁人暗底裡是共碟，另話--- 郁人錯在話打倒建制實際上入建制，錯在只做個建制內激烈反對派，實質上是維隱者。走出議會成立「打倒港共政權行動委員會」，才是真正革命者。告之郁人，全民制憲(NO MATTER全中或全港)，嚴格上都是建制內的遊戲，無人會話康梁制憲派是革命黨，亦無人會相信孫中山會同滿清共商制憲的。

郁人你唔好話我聽，個隻蕉其實係顆炸彈嚟，但無爆炸咋。

----郁人牙斬斬

講郁人未講完。當日在踩場節目中，郁人轉述法官質疑世界上有乜國家實行直接民主的，郁人牙斬斬話，當時反春法官知不知世界上有瑞士行直接民主制(其實都唔係)，郁人的口吻好似嬴哂，好似法官輸哂咁。台下信徒哈哈大笑，郁人好像掌握了真理。但這掩蓋不了世界上只有瑞士一國行直接民主制(其實都唔係)的事實。郁人賣藥佬+爛仔調調+performmer的表現遂而建構了一個反智景像，「我係人民選出來的呀！你痴倫咗線呀！」亦作如是觀。

2008年選立會時，郁人如動物世界中獅子咬住翔羊脖子般咬住另一泛民毛姨姨不放，爛仔蝦貴婦，令人胆戰心驚。素知郁某陰險奸詐，此一役讓世人進一步見識了轄出去不怕人知的爛躂躂陰險奸詐。四年後超級姿整的毛姨姨自己也選上了，倒說，2008年落選，不關郁某的事，不是由於郁某的攻擊云云，不知是為了泛民團結，抑或懵咗，總之虛偽兼姿整到暈(所謂風度)，不論。郁某食住上，到處話：「嗱，這證明當年我無攻擊毛姨姨啦」！---我抨擊過此事，咁即係我錯啦！我認為，前者叫無良，後者叫無恥。(記得當時鼻涕蟲的141-—以主席身份---也跟住叫，「嗱，即係冇郁人攻擊毛姨姨呢件事啦！」)

激情视讯,免费同城聊天室网站,女同聊天室,視訊聊天網站,qq视频聊天工具,台湾视频聊天室网址,av电影,視訊美女,三张嘴的女孩是真的吗,視訊聊,爱妃视频网,聊天软件哪个好,聊天软件大全,三张嘴的女孩是真的吗,台湾免费视讯,韩国女主播聊天室,一对一聊天室免费,聊天联盟,欢乐吧多人视频聊天