>>另外想問下舊電影人熟唔熟台灣電視劇?<<

近年我連港產片都無睇，香港電視劇更是多年不看(只看大陸劇和韓劇) ，又點會去睇台? ...

唔睇電視劇，理由好簡單，在香港，唔會在家看電視劇的(無論是單身抑或後來成了家) ，也不會特登錄低睇(只錄西片)。只記得同家人追過一星期到星仔的「蓋世豪俠傳」(1991) 。TVB「大長今」一集都未睇過。近十多年連電視藝員都不熟(both Tvb & Atv) ，甚至討厭去知道。

在台灣先寫電影劇本「那年河邊很冷」(1982)，王祖賢處女作，後寫台灣電視劇。本人當年連國語都講唔正，但劇本居然可以由台灣人演，自已都奇怪。有一個劇本(台灣社會題材)，中時老演員葛香亭己退休，話唔錯，特登參演，我事後聽到，毛都鬆埋。有一個劇本，當時直情提名金鐘像(最佳女主角) ，我通通無睇。無他，當時人住在台北旅館，無錄映機(亦不會定時看電視) 。但都唔使恨，台灣人拍劇差過看港人一百倍(當時) ，睇左棧眼冤。

我連自已的台灣劇也不看，怎會看其他的?三年前，我女兒迫我看"流星花園"，讓我知道香港也流行過台劇。但終沒看。


我七八年年前才開始買碟機睇碟，主要係睇韓國片，嘩，好睇！我我作為一個舊電影人，對前幾年開始紅的韓國片，高度評價，港片無得揮。在工業的意義上（指工業上結果），韓國片無得頂。

老蕭話韓國片受政府資助，蝕到喊。係唔係，我唔清楚。我是極反對政府資助電影工業的人，寫過不少這樣文章，鬧衰過台灣政府，亦批評過重港電影界要政府資助不長進。

但作為一個觀眾，我多得韓國政府資助拍出一大批好睇的韓國片。台灣最衰，政府資助，專拍不入流art film。香港D資助額越來越大，港片就越來越縮(92年三百多部，現在50部) ，真係要研究一下韓國政府點解咁把炮至得。( 網友邊個知道，可以講下)

講返睇劇，由睇韓國片進而睇韓國劇和大陸劇(對唔住，唔會睇港劇同台劇，討厭) ，唔係話韓劇和大陸劇拍得好(指說故事技巧)，係人都知韓劇和大陸劇拍得不好，大部份甚至極不好添。我睇韓劇和大陸劇主要是揀題材/故事，比如「大宅門」、「走向共和」、「商道」等等，其次是睇明星，比如韓劇「精裝大酒店」，係，我中意韓國多個影視藝員---可惜連名都唔知。對大陸劇藝員則無好感(僅接受「走向共和」班演員) ，香港藝員唔使講，多年來不吼 。

對韓國劇和大陸劇，就算係挑題材/故事這一點，我僅睇中1/10數量(古裝劇更全部飛起，唔計) 。我訂左NOW美亞劇自選頻道兩年，由頭睇到落尾的大陸劇和韓國劇不超過五六套，可見就算題材奇特，但有時真係睇唔落去，就唔睇。

這是我近年睇韓國劇和大陸劇的情況。



>>舊電影人你有看美劇嗎?<<

「美劇」?呢個叫法好特別，但諗諗下又覺得係咁叫。

我係一個老美劇迷，由「根」、「豪門恩怨」睇到而家。除左人不在香港，每晚由8:00至1:00將明珠台節目錄低，以前更備有三部錄映機，連RTV英文台都掃埋。明珠930以及其他西片帶(初充bata後為VHS)我積有成千套---可惜搬屋掉哂。

講返美國劇集，我認為水準越來越高---both在劇本及拍法方面。假如以觀賞角度，70年代至80年代即所謂香港電視黃金期，當時有大量單元劇，我俾60分。而當時的美國劇集，我俾80分。現在2000年香港電視劇集，我俾30分。現在美國劇集，我俾90分，好睇過美國大電影多多聲(over all 來說) 。

美國劇集以外的電視節目，如「飛黃騰達」「american top model」等等，也掂。所以邊會睇港劇。



>>閣下到現時為止，最喜歡的電影有那幾套呢?<<

睇戲四十多年(小學開始) ，喜歡的電影實在太多了，邊記得。要講，以前有一部「劉三姐」，印像最深刻。但喜歡的理由不明，我算是一個擅於分析的人，就是分析不到自已喜歡「劉三姐」的原因(我本人一點都不喜歡唱歌) 。

Over all來說，最喜歡的電影是「教父」一二集，最服的是「大國民」。近十多年很多電影都中意，但俱以movie-goer(影迷) 而非movie-lover(影痴) 心態觀之，所以唔多上心。





  

  

  

  

>>另外想問下舊電影人熟唔熟台灣電視劇?<<

近年我連港產片都無睇，香港電視劇更是多年不看(只看大陸劇和韓劇) ，又點會去睇台? ...

唔睇電視劇，理由好簡單，在香港，唔會在家看電視劇的(無論是單身抑或後來成了家) ，也不會特登錄低睇(只錄西片)。只記得同家人追過一星期到星仔的「蓋世豪俠傳」(1991) 。TVB「大長今」一集都未睇過。近十多年連電視藝員都不熟(both Tvb & Atv) ，甚至討厭去知道。

在台灣先寫電影劇本「那年河邊很冷」(1982)，王祖賢處女作，後寫台灣電視劇。本人當年連國語都講唔正，但劇本居然可以由台灣人演，自已都奇怪。有一個劇本(台灣社會題材)，中時老演員葛香亭己退休，話唔錯，特登參演，我事後聽到，毛都鬆埋。有一個劇本，當時直情提名金鐘像(最佳女主角) ，我通通無睇。無他，當時人住在台北旅館，無錄映機(亦不會定時看電視) 。但都唔使恨，台灣人拍劇差過看港人一百倍(當時) ，睇左棧眼冤。

我連自已的台灣劇也不看，怎會看其他的?三年前，我女兒迫我看"流星花園"，讓我知道香港也流行過台劇。但終沒看。


我七八年年前才開始買碟機睇碟，主要係睇韓國片，嘩，好睇！我我作為一個舊電影人，對前幾年開始紅的韓國片，高度評價，港片無得揮。在工業的意義上（指工業上結果），韓國片無得頂。

老蕭話韓國片受政府資助，蝕到喊。係唔係，我唔清楚。我是極反對政府資助電影工業的人，寫過不少這樣文章，鬧衰過台灣政府，亦批評過重港電影界要政府資助不長進。

但作為一個觀眾，我多得韓國政府資助拍出一大批好睇的韓國片。台灣最衰，政府資助，專拍不入流art film。香港D資助額越來越大，港片就越來越縮(92年三百多部，現在50部) ，真係要研究一下韓國政府點解咁把炮至得。( 網友邊個知道，可以講下)

講返睇劇，由睇韓國片進而睇韓國劇和大陸劇(對唔住，唔會睇港劇同台劇，討厭) ，唔係話韓劇和大陸劇拍得好(指說故事技巧)，係人都知韓劇和大陸劇拍得不好，大部份甚至極不好添。我睇韓劇和大陸劇主要是揀題材/故事，比如「大宅門」、「走向共和」、「商道」等等，其次是睇明星，比如韓劇「精裝大酒店」，係，我中意韓國多個影視藝員---可惜連名都唔知。對大陸劇藝員則無好感(僅接受「走向共和」班演員) ，香港藝員唔使講，多年來不吼 。

對韓國劇和大陸劇，就算係挑題材/故事這一點，我僅睇中1/10數量(古裝劇更全部飛起，唔計) 。我訂左NOW美亞劇自選頻道兩年，由頭睇到落尾的大陸劇和韓國劇不超過五六套，可見就算題材奇特，但有時真係睇唔落去，就唔睇。

這是我近年睇韓國劇和大陸劇的情況。



>>舊電影人你有看美劇嗎?<<

「美劇」?呢個叫法好特別，但諗諗下又覺得係咁叫。

我係一個老美劇迷，由「根」、「豪門恩怨」睇到而家。除左人不在香港，每晚由8:00至1:00將明珠台節目錄低，以前更備有三部錄映機，連RTV英文台都掃埋。明珠930以及其他西片帶(初充bata後為VHS)我積有成千套---可惜搬屋掉哂。

講返美國劇集，我認為水準越來越高---both在劇本及拍法方面。假如以觀賞角度，70年代至80年代即所謂香港電視黃金期，當時有大量單元劇，我俾60分。而當時的美國劇集，我俾80分。現在2000年香港電視劇集，我俾30分。現在美國劇集，我俾90分，好睇過美國大電影多多聲(over all 來說) 。

美國劇集以外的電視節目，如「飛黃騰達」「american top model」等等，也掂。所以邊會睇港劇。



>>閣下到現時為止，最喜歡的電影有那幾套呢?<<

睇戲四十多年(小學開始) ，喜歡的電影實在太多了，邊記得。要講，以前有一部「劉三姐」，印像最深刻。但喜歡的理由不明，我算是一個擅於分析的人，就是分析不到自已喜歡「劉三姐」的原因(我本人一點都不喜歡唱歌) 。

Over all來說，最喜歡的電影是「教父」一二集，最服的是「大國民」。近十多年很多電影都中意，但俱以movie-goer(影迷) 而非movie-lover(影痴) 心態觀之，所以唔多上心。