找回密碼
 立即註冊
90年代三級片

我參加過拍攝三級片。我七十年代頭入行,到九十年代初終於做到獨立製片的話事級人員,拍有一部三級片。1992年是港產片歷史上最繁榮的一年,港產片票房達12億元(現在降至2億元),阿貓阿狗都開到戲,我就係其中之一。

好好彩,請到剛走紅的葉玉卿(她的第三四部片),部戲賺到錢,但拉扯公司皮費,老板一個仙無賺。這就是獨立製片致命傷,原來電影一定要mass-prduction先得!(邵氏的基礎於電影是對的)

獨立製片一定要慳,第二要賣座。我地係小公司,蚊形級,公司只得七百尺大,全公司只得一個長工-----後生。mark葉玉卿拍,講你都唔信,僅俾25萬元(當時號稱收百萬),但一次支付。但整部片實際開支都要500萬(現在一般片降至200多萬),平價請到葉玉卿都蝕。

簫生的公司是嘉禾支持的,是大公司,一大棚人等出糧。影片賣座(指相對上的票房),是表面風光,實情可能蝕到阿媽都唔認得。


《玉蒲團》笑住蝕

在「簫豉聲中」,梁錦祥大捧《玉蒲團之偷情寶鑑》,是行外人另一個角度之言。在行內來說,阿麥搞D野都是大野都是堅野。《玉蒲團之偷情寶鑑》絕對是一個talking point,好多人都佩服阿麥等人的搞作。

但梁錦祥問簫生《玉蒲團》是否不志在賺錢,行家聽到可能會小出來,邊有咁外行的問題?拍電影,我夠胆講,在每一個電影人心目中,目的都是賣座。站在純商業立場推測,《玉蒲團》可能係一部笑住蝕的電影。梁錦祥多次提及《玉蒲團》在外國成?經典,這是一面。另一面可能是,嘉禾投資者多得你唔少!

觀眾入場睇三級片旨在睇女,影片得以某脫星作招琜。觀眾只是想眼滛該脫星,無乜人留意劇情及布景的。阿麥等人居然想重現李翰祥風月片的風采。簡單講句,片廠公司拍一連串古裝片,成本好低。獨立製片拍古裝片,求求其其山頭野嶺打飧死的可以,但好似《玉蒲團》咁款大拍廠景,大件事矣。

《元憶錄》亦很坦白,說《玉蒲團》拍了千多萬----但不知千幾?老簫說《玉蒲團》收千八萬賣嬴《豪門夜宴》,這只是其中一個笑談。

據記憶,當年(1991年左右) ,大片收千多萬不叫賣座,當時最賣座的講緊四五千萬級。而三級片票房有局限性,千八萬已係一個輝煌性數字。問題係要拍得平,比如小弟用500萬拍,香港票房收800萬,加埋外埠,就有錢賺(但前面講過,蝕皮費)。

第二個問題係三級片賣外埠,一係賣不出,一係不能高價錢(因要删改) 。《玉蒲團》在外埠可能是改無可改的埠片。梁綿祥講外國人大讚《玉蒲團》,其外國可能指歐美,而港產片當時面對的外埠是東南亞台灣韓國,這是「生意」和「欣賞」的差距。


拍片生意經

係人都知,港產片一定要靠外埠。本地票房收入一般只cover成本的1/3到1/2,所以有D片寧願放棄香港上映。

香港上映成本好重,以《玉蒲團》為例,票房收千八萬,同戲院拆帳收回60%,付發行費15%。宣傳費最攞命,我的小片都要花70萬,《玉蒲團》肯定要花150萬至200萬。七除八扣(如拷貝費7千元一個) ,千八萬可能收回500多萬到,咁千幾萬的製作成本從那裡填補?外埠賣唔賣到咁多錢?仲有公司皮費呢?

這是從工業角度看待《玉蒲團》。

(講開,葉子媚當時不算是可以一人孭重飛的脫星,係人都知道對波係假的,同時個樣子不好,唔明《玉蒲團》點解會揾佢做主角。現在才知道她不肯露點,有無搞錯呀,八十年代已有露毛片啦!我思疑阿麥等人《玉蒲團》的「製作設計」是失敗的)


分享至 : QQ空间
收藏
INSAFE System
關閉

0 個回復

您需要登錄後才可以回帖 登錄 | 立即註冊