找回密碼
 立即註冊
lulucomecome
中級會員

致舊電影人兄:
我不是擦你鞋, 說實的其他影評人不知是否收了水, 對一些垃圾戲最多都是輕輕地說兩句便算, 稍為好一點點就大擦一番, 那沒啥意思.
我看你的影評亦是有私心的, 當然是可以免費任看, 而且可以在我身邊朋友抄下你的觀點然後扮下專家大吹一番.



舊電影人
你俾面啫,私乜心。我反而希望有人反駁我,好似上次"神探"咁。不然唱獨脚戲,自己都悶。



lulucomecome
中級會員

我又吹下《長江七號》之二

戲內之有錢小孩失真:
這角色令我想起哈里波特內那個金髮小孩, 名字忘了, 一樣有一班馬仔跟班. 我認為這種角色必須要黑人憎到底才合理的. 我自己唸小學時總是有一兩個這種小孩在班子裡, 不過未必是有馬仔跟班而已, 但總是聯群結黨的. 戲內後期說他和那主角和好, 這種情節是給小朋友看的, 但成年人世界是不會這樣的.




舊電影人

>>QUOTE:
原帖由 lulucomecome 於 19-2-2008 13:19 發表
戲內之有錢小孩失真:
這角色令我想起哈里波特內那個金髮小孩, 名字忘了, 一樣有一班馬仔跟班. 我認為這種角色必須要黑人憎到底才合理的. 我自巠... <<


Ok,有見地。

"長江七號"小孩戲的設計不是你說那一種,而是"逃學威龍"patern。一定要比較,那個大舊妹就是你說的乞人憎角色,這是"反轉嚟編"。?


(3)c

(續前)睇《長江七號》

●部戲無哂星仔片熟識的香港演員,這是星仔片的大崩壞。在我來看,無哂班熟識的香港演員,就無哂香港味touch,這是星仔片轉型的失敗。星仔無頭腦(指製作路線) ,用减法。减哂香港成份:减人,减戲(笑的部份) ,减景(背景及佈景) ,最仆街係減埋自己個部份。假如以「功夫」比較,星仔的能量有100%,係《長江七號》中只有15%。喂,行行企企做文藝中生,就係億元製作星仔片?

●《長江七號》無哂星仔片熟識的香港演員,亦顯示大家己知的事實,星仔幕後乞人憎性格,令他眾叛親離(如果有錯,請知情者告知) 。幕後事我地觀眾無權理,但影響影片質素,就可以講下。

(我一個學生十幾年前係星仔Co. 担任場記和客串演出,後離開。他在周星馳書藉中透露,該段時間,幾乎無飯開。我看書後大吃一驚,埋星仔堆都咁慘? 人地成龍都長期養起一班人喎。Btw,我做場記及AD時亦多次向導演借期數錢,香港電影界就係咁慘)

●《長江七號》得返一個肥仔謝子聰,佢做得好好。佢一出塲,香港feel(smartassism)返哂嚟。佢同周生撞戲個幾塲,我幾希望周生撞返轉頭---大佬,周生係主角噃。通常係星仔片中,對付又肥又惡又口臭的角色,星仔食返轉頭,觀眾一定受,可惜周生家肥屋潤,轉戲路喎,變左欺塲, 可惜。
●去睇《長江七號》,等於去飲,結果乜都無(指笑的部份) ,剩係開頭個碗翅同收尾個碗糖水。星仔就係個碗糖水!而肥仔謝子聰就係個碗翅!(大家明我意思嗎,綠葉勝牡丹。皆因綠葉做返綠葉個份,牡丹己經唔係牡丹)


lulucomecome
中級會員

>>QUOTE:
原帖由 舊電影人 於 19-2-2008 18:22 發表
Ok,有見地。
"長江七號"小孩戲的設計不是你說那一種,而是"逃學威龍"patern。一定要比較,那個大舊妹就是你說的乞人憎觠... <<

雖然"逃"是星爺經典之一, 但因日子久遠, 印象模糊. 我大致把校內學生角色記錄如下:-
周星星: 大家大約都清楚, 我打字慢. 不再寫.
細龜: 有錢仔, 但他是用錢買人身保護的. 是名牆頭草.
校內大佬: 校內收陀地, 校外有個差佬照. 在校內哈哈覇覇, 但周星星出現後被取代大佬位置.

乞人憎角色有細龜及校內大佬, 但就是沒大舊妹的影子在"逃", 怎麼說是"長"小孩戲的設計有""逃"的 pattern 呢? 願聞其詳.



舊電影人
>.QUOTE:
原帖由 lulucomecome 於 20-2-2008 13:16 發表

雖然"逃"是星爺經典之一, 但因日子久遠, 印象模糊. 我大致把校內學生角色記錄如下:-
周星星: 大家大約都清楚, 我打字慢. 不再寫.
細龜: 朠... <<


我用行內人經驗說一說---冇乜野,大家研究啫。

傳統模式小孩戲(即校園戲),其「群體」(gang)成份梗有一個「賤民/被岐視者/被排擠者/被玩弄者/笨能七個個」角色,這是取自真實(live),這個細路多數是笨拙的肥仔,但趕極唔走。

另一模式是,小孩「群體」中有「good guy」及「bad guy」,這多數發生在童黨戲中。

《逃學威龍》基本上是童黨戲,而不是校園戲。bad guy首領是細龜(黃一山) ,但包裝上又設計到矮細。港產片尤其是笑片從七十年代末開始,設計(度橋) 多採用「癲覆」、「逆向思考」、「odd angle」方法---俗稱怪雞。總之,要觀眾意想不到(老簫也提過,好笑首先來自surprise) 。細龜(黃一山) 的角色是bad guy(本質上)+賤民(包裝上) 。

(續)

lulucomecome(#152) 提的,是三種角色:

(1) 他生活中見到的學生,就是「賤民」,廣東話叫乞人憎(但應該叫笨能七個個),但不是bad guy。

(2)《哈利波特》中小孩戲是童黨戲+校園戲的mixture。lulucomecome提的「這角色令我想起哈里波特內那個金髮小孩, 名字忘了, 一樣有一班馬仔跟班. 我認為這種角色必須要黑人憎到底才合理的」(和哈利波特比賽那一位) 是bad guy,不是乞人憎的「賤民」。

(3) 影片中三人行中的Ron Weasley(Rupert Grint演)--- 整日we口we面的男孩,是good guy群中的「賤民」,但西片不會誇張化。(但Rupert Grint扮相不好,似猴子多於笨七)

講返《長江七號》班細路設計,是童黨戲。

●有錢仔就是bad guy首領,等於《逃學威龍》中的細龜(黃一山) ,所以我話《長江七號》是《逃學威龍》PATERN。

●大舊妹就是good guy群中的「賤民」,扮演『「弱少者」但強大』。『「弱少者」但強大』是港產片『「癲覆」+「逆向思考」的mixture』最模化的度法。而「弱少者」打番轉頭也是星仔片的永恒主題。以前由星仔自已孭這一瓣,今次無哂。今次由散角孭少少。

(注:lulucomecome(#152) 提的,《逃學威龍》中的校內大佬,是SIDE-LINE人物,不論)


lulucomecome
中級會員

我又吹下《長江七號》之三

不知星爺是否打算拍一套合家歡電影呢.
"哈利波特"是主角面對困境中得到成長, 小孩子看覺得"哈利"好棒能戰勝惡魔; "寶貝智多星"可以看到一班笨賊怎樣被條靚仔玩死而又高潮疊起. 兩套片大人細路看都有快感.
我是帶著我五歲兒子看"長"的, 我自己看完就覺得很悶, 我兒子說好睇在於7仔好可愛而已, 整套片對大人來說是無無聊聊. 本來看星爺的戲就是不會有其望劇中有什麼人生道理的了, 只望能在無無聊聊看出驚喜大笑一番, 怎知一埸都沒有. 既沒有說主角在人生中有所領悟, 又沒有玩死 bad guy 之類. 令人覺得套戲是拍給細路看, 好低能, 好低B.
7仔做型亦不特出, 冷cute, 年三十晚見到有7仔公仔賣, 我個仔見到都冇乜興趣. 反而以前部ET公仔樣衰衰都有人買.



lulucomecome
中級會員


我又吹下《長江七號》之四

片中徐嬌說'他'的志願竟然是想做個"窮人", 有冇攪錯!

電影橋段天馬行空絕無問題但必須合乎人性. 小孩子的想法往往出人意表, 但他們的想法是必定有其原因的.
小孩可以說他將來想當個醫生或護士, 因為這些職業會受人專敬.
可以說想當個警察, 因為可以除暴安良, 為人民服務.
亦可以說想當個有錢佬, 雖然低俗, 但是很多人都想.
極端點可以說想當個大賊, 如果家裡成員有人撈偏且風山水起的話, 好似張子強般名利雙收, 這些都絕無問題. (我幼時同學親哥哥是14K大佬, 見過他跟馬仔說話, 好不威風呢. 覺得當大佬都好巴閉.)
知識低但做人問心無愧, 運氣不際等最後變作窮人其實問題都不大, 雖然心裡不想但事與願違而已.
或決定當一件有成就感的事或當一個職業但明知注定會沒有"錢"途, 最終必成一個窮人. 都沒問題.

但說到窮人有骨氣, 不作姦犯科等所以徐嬌想去當的話, 就不合情理了, 狗屁不通.


wwd2000
中級會員

我都算係 星爺 的超級 Fans 啦 ... 但今次睇 長江七號 就幾乎睡覺 ... 好在套戲唔係太長。

真係唔明 周生 想點。算啦,都係講講其他戲吧。

P.S.: 我想買套大陸舊戲 "籃風箏",唔知係邊度有得賣呢???





分享至 : QQ空间
收藏
INSAFE System
關閉

0 個回復

您需要登錄後才可以回帖 登錄 | 立即註冊